杨浦滨江地区

杨浦滨江地区，指个是中華人民共和國上海市楊浦區个黃浦江沿岸，楊浦區境内个黃浦江岸线总长约15.5公里，总面积12.93平方公里。境內有杨树浦水厂、杨树浦发电厂、杨树浦煤气厂、秦皇岛路世博水门、渔人码头、上海国际时尚中心咾啥个標志性地點。杨浦滨江南段岸线保留个历史建筑一拢总24处66幢，总建筑面积达26.2万平方米，有中国第一家机器造纸厂、第一座机器棉纺织厂、第一座陆上水厂、最早个煤气供热工厂、远东最大个火力发电厂、最早个外商纱厂、拥有最多船坞个修船厂、最早个民营船厂。

历史

杨浦滨江原先是工业区，有弗少工厂、仓库、码头。20世纪八九十年代，杨浦滨江个工厂逐步关停，當局開始拿杨浦滨江改造成亲水空间、商务空间。

2010年，杨浦区规土局帮上海市城市规划设计研究院正式启动杨浦滨江南段地区城市设计。2013年8月份，上海市政府批复同意設計方案。2016年7月份，怀德路到丹东路轮渡个550米公共岸线示范段向公众开放，是头一段貫通个杨浦滨江沿岸公共空间。2017年10月份，杨浦大桥以西到秦皇岛路码头约2.8公里个沿江岸线贯通。2019年9月，杨浦大桥以东2.7公里公共空间貫通，杨浦滨江5.5公里个跑步道、骑行道、漫步道全部打通。