查理六世（神圣罗马帝国）

查理六世（德文：Karl VI，1685年10月1号-1740年10月20号），是神圣罗马帝国皇帝搭奥地利哈布斯堡家族个成员。伊年轻辰光，参加西班牙王位继承战争，弗过，到1711年因为伊拉阿哥约瑟夫一世死脱，自家继承爻奥地利领地搭神圣罗马帝国个皇帝头衔咾，故所以放弃爻西班牙王位，让波旁家族个费利佩五世夺取西班牙个控制权。之后，因为欧洲东西两边个大国全立在调整阶段。依靠自家个大将欲根亲王东征西讨，擔奥地利个威望，树立到顶顶高个地步。弗过，到晏年，因为要让自家个囡继承皇位，搭欧洲各国产生爻蛮多矛盾。1740年驾崩，随后因为囡儿特蕾莎女王个继承问题，引发爻奥地利王位继承战争。