梅雨

梅雨指春夏之交冷热空气交锋形成个锋面雨，即每年5月至6月之间华中地区、臺湾、日本中南部搭韩国南部等地持续天阴有雨个气候现象。等黄梅天过脱，箇眼地区各天气开始由太平洋副热带高压主导，正式进入热天。

梅雨发生辰光齐巧是中国江南梅子个成熟期，个咾叫“梅雨”。外加由于长期落雨，导致衣物、食品等容易发霉，梅雨又叫“霉雨”。不过，世界上同纬度个别样地方呒没梅雨，华南、华北地区虽然位于梅雨锋面带，但是黄梅天呒没明显个梅雨现象，尽管其间影响同样明显。

成因

每年大约5月上旬，北方来个冷空气搭从南方北上个暖空气汇合于华南地区，形成华南准静止锋。大约到著6月中旬，暖空气势力增强，准静止锋北移至江南、江淮地区，成江淮准静止锋（又称为梅雨锋）。7月上旬，准静止锋再北移至日本、韩国一带。由于南来个暖空气夹带大量水汽，碰着较冷气团，就会产生大量对流活动。箇段辰光冷暖空气势力相若，以致形成滞留锋面停留拉上述地区。

规律

梅雨开始个日脚称为“入梅”或“立梅”，结束箇日称为“出梅”或“断梅”。大致上纬度越高，入梅越晏。臺湾大约5月中旬入梅，6月中旬出梅。长江中下游地区，平均每年6月中旬入梅，7月中旬出梅。日本本土大约6月上旬入梅，7月中下旬出梅。

夏历算法

入梅：在芒种起头一隻丙日；出梅：在小暑起头一隻未日。

入 梅	规定入梅日	芒种日脚	芒种后头一隻丙日
	芒种当天为丙日	1882年6月6日（丙子）	1882年6月16日（丙戌）
	芒种后头一隻丙日	2016年6月5日	2016年6月13日（丙寅）
出 梅	规定出梅日	小暑日脚	小暑后头一隻未日
	小暑当天为未日	2001年7月7日（辛未）	2001年7月19日
	小暑后头一隻未日	2016年7月7日	2016年7月12日（乙未）

气象算法

入梅日：前头五日天，副高来拉东经120°度个脊线≥北纬18°，外加至少有得三天日均气温高于22摄氏度；后头五日天，必须有得四天落雨。