江南
江南，长江下游南岸，东南丘陵北部个江浙长三角地区。狭义上指代宋朝辰光个江南东路即江东搭两浙路（乃朝长江流域下游南岸个浙江全境、苏南，皖南搭上海地区）。广义上还包括江苏安徽两省个长江北岸、江西、福建、广东搭湖北、湖南、广西部分地区。古代又号吴越、江东、江左。
建制变迁
编辑- 唐太宗贞观元年（627年）设立江南道，江南道个范围完全处拉长江以南，后来拉唐玄宗开元二十一年（733年）又分为江南东道、江南西道搭黔中道，成为定义现代江南含义个开端，往后江南成为江东地区个专称。历史上以“江南”命名个行政区个演化：
- 唐代以后，江南一词所指区域囊括长江以南以及长江沿岸广大地区，包括荆州（鄂东南、湖南）、扬州（江西、皖南、福建、苏南、上海、浙江，非今日扬州市）。
- 唐代辰光设立江南西道（鄂东南、湖南、江西）、江南东道（苏南、皖南、上海、浙江、福建）。
- 宋代辰光设立江南西路（江西大部、鄂东南）、江南东路（赣东北、皖南、苏南部分地区一带）。
- 明朝设立南直隶，清初改称江南省，分为江南左布政使司搭江南右布政使司。1667年分为江苏省（含上海）搭安徽省。但江南省弗仅包括部分江南地区，还包括了大片苏皖个江北地区。
- 清代设两江总督署，辖江苏省（含上海）、安徽省、江西省，两江即含江南省、江西省，东部个部分为江南省（今江苏，上海，安徽）。