欧元
欧元(Euro)，又叫欧罗，符号€，是欧盟里向20个国家个货币。搿20个国家是奥地利、比利时、芬兰、法国、德国、希腊、爱尔兰、意大利、卢森堡、荷兰、葡萄牙、斯洛文尼亚、西班牙、马耳他、塞浦路斯、斯洛伐克、拉脱维亚、愛沙尼亞、立陶宛、克罗地亚，合称欧元区。 1欧元＝100欧分（cent）。
特点
编辑所有个欧元硬币个正面侪是相同个，标有硬币个面值，叫做共同面（common side），而硬币背面个图案就是由发行国自行设计（national side）。君主立宪制个国家通常侪会用渠拉君主个头像。其他国家就通常用渠拉国家个象征。譬如铸有西班牙国王头像个硬币勒除了西班牙以外个其他使用欧元个国家也是法定货币。欧元硬币一共有8种：2欧元、1欧元、50欧分、20欧分、10欧分、5欧分、2欧分搭1欧分。虽然1欧分搭2欧分个硬币一般不勒芬兰搭荷兰使用，但仍然是法定货币。
每种面额个欧元纸币个设计勒各国侪是一样个。欧元纸币一共有7种：500欧元、200欧元、100欧元、50欧元、20欧元、10欧元搭5欧元。尽管大面额个纸币勒某些国家并不发行，但仍然是法定货币。
泛欧自动实时清算系统（Trans-European Automated Real-Time Gross Settlement Express Transfer System，TARGET）是一个勒欧元发行以前就已经设立个欧洲范围内大额交易清算系统。对于小额支付个一般规则是：勒欧元区之内个转账视为国内转账，欧元区内信用卡支付搭ATM取款个费用同国内费用相同，票据支付，譬如支票等， 也与国内相同。
使用欧元个国家
编辑
目前官方使用欧元个国家有：奥地利、比利时、芬兰、法国、德国、希腊、爱尔兰、意大利、卢森堡、荷兰、葡萄牙、斯洛文尼亚、西班牙、马耳他、塞浦路斯、斯洛伐克。某些欧元区国家个海外领土，譬如法属圭亚那、留尼汪、圣皮埃尔搭密克隆群岛、马提尼克等地区也使用欧元。
摩纳哥老早使用法国法郎、圣马力诺搭梵蒂冈以老早用意大利里拉，而二者已被欧元替代。根据渠拉搭欧盟之间个协议，渠拉也可以代表欧盟铸造欧元硬币。
安道尔老早使用法国法郎搭西班牙比塞塔，黑山、科索沃老早使用德国马克，以上货币畀欧元取代后，搿眼国家改以欧元作为实际货币，但渠拉搭欧盟之间呒没任何法律浪个协议，呒没参加欧洲中央银行体系。勒2004年10月，安道尔开始搭欧盟协商关于允许安道尔像摩纳哥、圣马力诺搭梵蒂冈一样铸造欧元硬币个协议。
交关老早汇率搭欧洲货币挂钩个货币，譬如搭葡萄牙埃斯库多挂钩个佛得角埃斯库多，目前已经改为搭欧元挂钩。目前欧元勒佛得角已畀广泛接受。而勒2004年11月，佛得角个首相勒一个勒葡萄牙举行个会议浪考虑畀欧元作为佛得角个正式货币。
2002年12月，朝鲜用欧元代替美元作为对外流通搭结算个主要货币，勒大部分黑市搭老早使用美元个商店，美元也畀欧元取代。
总个来说，欧元已经是22个国家搭地区个官方货币，29个国家和地区个官方货币个汇率与欧元挂钩。
外部链接
编辑
- 欧元 - 历史和现在的钞票 （英语） （德文）