歐胡島

歐胡岛（夏威夷語：Oʻahu，英語：Oahu，Template:IPAc-en），也翻譯成瓦胡島，畀叫成「聚集之岛」，是夏威夷群島裏向面積第三大個島嶼，也是人口頂多個島嶼，夏威夷州總人口個差弗多三分之兩儕勒該隻島浪。夏威夷州首府檀香山（火奴魯魯）勒島東南部個海岸邊浪，外加檀香山國際機場也勒島浪。如果拿福特島等面積小點個離島搭仔東南面（迎風面）沿岸搭卡內奥赫灣裏向個小島儕算勒一淘，歐胡岛個總面積可以達到1545.4平方公里（596.7平方英里），成爲美國排名第二十大個島。搭夏威夷群島個其他島一淘，歐胡岛是整個波利尼西亞頂頂北面搭仔面積頂大個島之一。