水绘园

水绘园^{绘，吴音瑰去声kwei3}，是在拉淮东地区南通如皋个一只古典园林建筑群，明帝国万历年间修造。本生是蒙古人后裔冒一贯个产业。17世纪中叶，畀同族个官宦子弟——明末四才子当中个冒襄看相仔，乃么买落来，大规模改造。但后手来，迭个建筑畀伊拉亲眷抢得去，乃么伊只好困在拉园林西面个茅草棚；末脚也故在拉迭个茅草棚里向。18世纪，此地畀一个徽州商人买落来，一直到五十年之后，冒家后代再重新买转去迭个地产。20世纪之后，此地畀开发成功如皋个城市公园。之后，因为冒家后代冒鹤亭搭仔陈从周介绍过迭个园林，再引起陈迭个园林专家开始关注。到20世纪八、九十年代，陈从周建议当局，修复此地，并恢复到老早子个风貌。