汉传佛教（英文：Chinese Buddhism），是佛教当中邪气重要个一大流派，主流是2世纪辰光，东汉帝国从南亚引入个佛教引申出来个。属于大乘佛教系统。汉传佛教在拉南北朝辰光蓬勃发展，传播到东亚个各个地区（包括朝鲜半岛、日本列岛、越南、南粤、闽越等地）。禅宗、净土宗等宗派，就是在拉汉传佛教内部分出来个。
乃朝，汉传佛教个信徒主要分布立在中华人民共和国，台湾、香港、澳门、新加坡、日本、韩国咾啥个场许。另外，在拉西方世界移民个东亚人当中，也有交关人信奉汉传佛教。
一般性认为，汉传佛教个祖庭是洛阳白马寺。
