禅宗
禅宗是菩提达摩创造出来个一个汉传佛教宗派，在六祖慧能手里向得到发扬。8世纪之后，为仔社会结构变化搭士大夫文人集团崛起，慢慢较取代老早组织性比较严密、追求基层关系个别个佛教门派，成为汉传佛教个主流。在五代十国搭宋朝，貤陆续传入朝鲜半岛搭日本。禅宗弗重视教义个阐述搭佛理，追求个人觉悟，邪气适合有排宋朝开始掌握话语权个文人。外加好依附立在程朱理学有统治地位个系统当中。明朝之后，禅宗就成为交关人对佛教个大部分认识。乃朝禅宗也是中华人民共和国个主要宗派之一，搭净土宗一道，占据爻大部分寺舍。
禅宗个种类 编辑
禅宗主要有两个种类：曹洞宗搭临济宗。曹洞宗强调"默照禅", 强调"只管打坐", 勒禅坐个辰光观照内心；临济宗呢就强调"公案"搭"话头禅", 从每一则故事里向悟得佛法。
主要经典 编辑
慧能：『六祖坛经』
臨濟義玄：『臨濟錄』
普濟：『五燈會元』
代表人物 编辑
禅宗：慧能
临济宗：臨濟義玄、白隱慧鶴
两者结合：釋聖嚴
代表寺院搭组织 编辑
禅宗 编辑
法鼓山（台湾）
曹洞宗 编辑
日本 编辑
永平寺（福井縣）—— 曹洞宗大本山
中国 编辑
湧泉寺（福州）
临济宗 编辑
日本 编辑
建仁寺（京都府京都市）——临济宗大本山
中国 编辑
临济寺（河北省正定县）——临济宗祖庭