長江,又叫揚子江,伊是中國頂頂長個河,是亚洲第一长河搭世界第三长河,也是世界上完全勒拉一国境内个最长河浜,總長6300千米。老法头里讲个专门指长江,而河指黃河。长江是从青藏高原个东面各拉丹冬峰发源个,之后,流经西南青海西藏云南四川重庆)、中部湖北湖南江西)、东部安徽江苏),最后,来勒上海市进入东海。长江流域邪气大,基本覆盖整个东亚南部地区,伊个支流对四川重庆湖南湖北江西侪有邪气大个影响。

三峽大壩附近
長江勒雲南返轉行

长江也是文明个发源地之一,发源来勒长江流域个文明,历史超过1万年。具体可以分为吴越文化江淮文化江右文化湖湘文化等。长江中下游,是土地肥沃个长江三角洲,此地面积大概4万平方公里,但经济总量占中华人民共和国GDP个20%。长江流域生态类型多,水生生物资源丰富,是交关濒危动物扬子鳄达氏鲟个栖息地。几千年来,吴越人、楚人古蜀人利用长江取水、灌溉、排污、运输、发展工业等。

近年来,长江受到邪气大个工业污染、农业径流、河沙淤积、湿地搭湖泊减少个威胁,伊些污染让季节性洪水发生频率增高。长江个一些地区畀划为保护区云南三江并流保护区因为自然搭文化资源个丰富性,畀联合国教科文组织列入世界自然遗产

名称 编辑

老法头里,长江个专称是“江”,春秋战国辰光个古籍《尚书》《尔雅》《左传》等侪有对“江”个记载[1]。自汉代开始,长江开始畀称作“大江”[2]六朝开始出现“长江”个名称[3]

长江个干流江段各有别称,其中宜宾到宜昌叫做川江枝江城陵矶叫做荆江安徽境内江段叫做皖江,南京下头到长江口个江段又称扬子江。扬子江迭个名称是隋代来勒扬州南岸设置个著名渡口扬子津,老早专指扬州、镇江附近江面,后头所指范围有所扩大[4]。明末清初时,自海上来个欧洲人从长江口溯流而上经过扬子江,因此欧洲闲话普遍用“扬子”(Yangtze)作为整条长江个名称。

流经个省 编辑

吴越搭长江 编辑

长江是吴越个母亲河之一。虽然对吴越来讲,地位没钱塘江介重要,弗过,从地理个角度看,长江是吴越江淮个传统分界线。

参考资料 编辑

  1. 孙仲明, 赵苇航. 长江与扬子江名称初考. 地名知识. 1980(03)
  2. (东汉)王充. 《论衡·书虚篇》:“广陵曲江有涛,文人赋之:大江浩洋,曲江有涛,竟以隘狭也。”
  3. 《晋书·王羲之传》:“今军破于外,资竭于内,保淮之志非复所及,莫过还保长江!”
  4. 《大观图经》:“扬子江自黄天荡西牛步沙与建康为界……径通州入海。”
 
维基共享资源里向寻得着搭该篇文章搭界个多媒体资源: