沛郡

沛郡，沛国，是一个从西汉嗰辰光开始设立嗰郡级行政区划，伊嗰辖区范围勒拉后头有所变化。

沿革

《汉书》里向记载秦朝设立泗水郡（《史記》作泗川郡）。秦代封泥文物嗰出土，四川太守以及存世四川轻车印，泗水郡是四川郡传抄嗰笔误。“泗水郡”嗰名称也是有嗰，勒拉东汉曾经有段辰光撤原来嗰泗水国，设立泗水郡，造成功后头嗰学者大多跟拉仔搞错。四川郡嗰郡治所勒拉相县而弗是沛县，清末著名历史地理专家杨守敬勒拉伊嗰《水经注疏》泗水篇里向讲泗水郡嗰治所勒拉沛县是错误嗰。四川郡嗰名称，源自当时境内淮河、沂水、濉水、泗水四条主要河流。

秦郡治相县（今安徽淮北市相山区范围），地跨今朝江苏北部徐州市周边、河南省东南小部分以及安徽省淮北市、宿州市等地区。

西汉嗰开国皇帝汉高祖是丰县人氏。秦代泗川郡跟拉秦代嗰灭亡而消失。西汉建立仔以后，汉高祖刘邦拿家乡丰县以及伊工作过嗰沛县还有徐州附近嗰地方分封畀韩信，韩信出事体仔以后又封畀自家嗰阿弟楚元王刘交。全盛时期嗰楚国通领西汉三十六县，四十城。弗过到了汉景帝嗰辰光发生吴楚七国之乱以后，汉王朝全面削藩。到了汉书地理志嗰时代，楚国统县只剩下来七个县。而其它县被新成立嗰沛郡统领。汉书地理志当中沛郡成立于西汉高帝时嗰讲法是明显是错误嗰，已经得到了学术界公认。西汉中期以后拿郡名改为沛郡，本生郡里向嗰彭城（今徐州市）搭伊附近嗰地区被分置为楚国。但是沛郡统县仍就多达37/40万户、200万人，治所仍就勒拉相县。东汉嗰辰光，郡改为沛国，西南部地区被归入汝南郡，统县减少到21，户20.095万，人口25.1393万。

三国曹魏嗰缔造者曹操是沛国西部嗰谯县人氏，他拿本生沛国包括郡治相县在内嗰绝大部分划归新建立嗰谯郡，沛国嗰范围大大缩小，国治新设拉小沛，第嗰是后手来史家拿沛县当做泗水郡郡治嗰根本原因。西晋统一后，沛国得到了原来谯郡、下邳郡嗰部分地区，伊嗰辖区成为了一个南北较长东西狭窄嗰形势，统县9，郡治迁回相县。

南朝宋、齐勒拉现在安徽省天长市侨置南沛郡、沛县，梁改南沛郡为泾城郡、泾州，陈改泾城为沛郡。

南北朝末年，北周将沛郡并入彭城郡搭石梁郡，从此以后沛作为一个郡名就消失了。但是作为郡名来源嗰沛县反而拿箇嗰名称保留到了今朝。

特点

沛郡（国）尽管存在嗰辰光并弗算太长，但是伊嗰地方倒是先后出现了刘邦、曹操两个改变天下局势、创立大业嗰人物。另外，西楚霸王项羽曾经拿据点设立勒拉当时郡里向嗰彭城，而明朝嗰开国皇帝朱元璋嗰祖籍也勒拉沛郡（国）境内，现在安徽省境内。