维基百科

流浪地球（电影）

《流浪地球》是一部2019年中国3D科幻片，从刘慈欣著 个同名小说改编，由郭帆执导，吴京（演员）｜吴京特别出演，屈楚萧、李光洁、吴孟达搭赵今麦领衔主演，雷佳音友情出演[1][2]。故事主要叙述当太阳即将毁灭个辰光，人类开启“流浪地球”计划，利用地球上个行星发动机驱使地球逃离太阳系个辰光，地球经过木星附近发生个故事。

主要拍摄工作勒拉2017年5月份个辰光就勒拉山东青岛开始哉，同年9月份就结束哉，开始后期个制作。2019年1月28号，《流浪地球》勒拉北京举办“奔向未来”主题首映礼。2019年2月5号（农历己亥年年初一），勒拉中国大陆上映，捞到票房46.88亿人民币，排拉中国影史票房第五名，只排拉《长津湖》、《战狼2》、《你好，李焕英》搭《哪吒之魔童降世》后头。2019年2月份，美国流媒体巨头Netflix宣布捞着除脱中国大陆地区以外个全球流媒体播放权，拿伊翻译成28种言语，当中中文配音会得额外添加“音频描述”选项。2019年4月30号，箇部片子上线优酷，爱奇艺，腾讯视频搭Bilibili（中国大陆地区）同Netflix（国际发行）。

剧情 编辑

人类预估出勒拉弗久个未来，太阳核心急速老化，膨胀吞噬整个太阳系，地球会得畀毁脱。为仔活下来，人类社会开启“流浪地球”计划，造一万座“行星发动机”搭两千座“转向发动机”, 想拉带拉地球一淘逃出太阳系到新家园去。人类还发射仔“领航者号”国际空间站，为地球提供预警、领航、通讯服务[3]。

 
电影里出现个木星大红斑

2075年，为仔利用引力弹弓效应，地球开到木星附近。木星引力突然之间变大，地球地壳变动，五千多座行星发动机停机，地球失去足够个推力，逐渐朝木星跑，马上就要进入木星个洛希极限而畀拆唻白白碎。哪亨样子好救地球？阿末地球浪个刘启想到好拿木星点起来。“领航者号”国际空间站浪消息弗通个刘培强也想到箇個方法哉，伊说服联合政府打开全球广播呼唤支持，共享拿木星点起来（点燃木星）个方案，结果地球浪个行星发动机喷出来个火够弗着。箇咾刘培强向联合政府申请牺牲空间站，畀空间站浪个人工智能MOSS拿信号屏蔽。刘培强只好关脱消防系统，拿伏特加烧脱MOSS个核心节点，捞回空间站个控制权，释放空间站个休眠仓。经过联合政府个同意，刘培强手动开拉空间站进入喷射流，点脱木星大气，地球箇咾畀推离木星。

演员表 编辑

主要角色 编辑

演员 角色 介绍 备注:
吴京 刘培强 中校，地球联合政府航天员
屈楚萧 刘启 刘培强个儿子，外号“户口”
李光洁 王磊 地球联合政府上尉，救援队队长
吴孟达 韩子昂 刘启个外公，高级驾驶员
赵今麦 韩朵朵 孤儿，比韩子昂救起，收作孙女 “韩朵朵”本来是韩子昂故脱个女儿个名字
雷佳音 一哥 北京地下城棋牌室老板
隋凯 Tim
屈菁菁 周倩 地球安全军医疗兵，王磊个手下。
张亦驰 李一一 救援队个程序员 联合政府紧急技术观察员。
杨皓宇 何连科 救援队个成员 特级行星发动机工程师，特长硬件方向。
阿尔卡基·沙罗格拉茨基 马卡洛夫 地球联合政府航天员，俄罗斯人
李虹辰 张小强 救援队个成员
杨轶 溜子／杨捷 救援队个成员，侦察兵
姜志刚 赵志刚 救援队个成员，司机兵
张欢 黄明 救援队个成员

次要脚色搭客串 编辑

演员 角色 介绍 备注 参考
刘慈欣 航天员 《流浪地球》原作者 [4]
郭京飞 航天员
张子贤 黄国盛 刘培强离岗交接对象
郭帆 叉车司机 《流浪地球》导演
宁浩 烧烤店老板
路阳 安检员
张宁 安检员 《流浪地球》制片人之一
张小北 轨道车司机
饶晓志 空间站工程师
王智 韩朵朵 刘启个娘、刘培强已逝妻子
龚格尔 狱警
陶珞依 语文老师 《流浪地球》制片人、编剧之一
沈晶晶 女兵 《流浪地球》编剧之一，郭帆个导演助理，宣传曲《有种》个作词者
梁海东 电梯乘客 《流浪地球》副导演
张倩 受伤个老婆
刘萱琳 女领航员
陈烁 女播音员
高岛真一 日本救援队员
郭赫轩 幼年刘启
李卓钊 少年刘启
王一斐 幼年韩朵朵

制作 编辑

发展阶段 编辑

“中国的电影市场不能总被欧美科幻大片充斥，填补空白固然是场冒险，但中国科幻不能一直缺席。”
——电影《流浪地球》出品人，时任中国电影股份有限公司董事长喇培康，中国电影报，2019年2月15号[5]

2012年，中国电影股份买仔刘慈欣三部邪气有名气个科幻小说版权，分别是《流浪地球》、《超新星纪元》搭《微纪元》[6]。中影股份勒拉2014年电影项目推介会浪，头一埭拿《流浪地球》箇本书改编成电影个想法公开出来，估下来成本有5000万美元[7]。

2015年中旬，中影制片分公司寻着郭帆，讨论合作意愿。郭帆表示伊邪气想拍科幻片，箇咾伊从刘慈欣个伊三個小说版权里向选了《流浪地球》[8]。

前期制作 编辑

2016年7月中旬，《流浪地球》正式立项[9][10]，确定由郭帆执导[11]。

勒拉前期制作阶段，郭帆首先考虑电影个重心搭原著个关系。刘慈欣经常会选用上帝视角、宇宙视角箇种方法写书，时间线又容易邪气长，但电影很、咾难去表达出箇种感觉。箇咾，他决定拿地球通过木星引力加速到逃逸个故事作电影背景，拿箇一個原著里向只有差弗多五段言语篇幅个故事作故事个主体，因为伊视觉冲击力强[8]。接下来花仔八個号头设定世界观，邀请弗少中国科学院个学者搭教授一淘讨论，还写仔部长度跨度一百年个编年史，从1987年开始一百年里向个大事体侪拉里向，拿现实世界搭电影世界串拉一淘[8]。三百多人个概念设计团队搭美术团队亦花仔十五個号头，搭出来上千份概念设计——包括行星发动机、地下城、运载车等所有场景个细节构思——搭八千多张分镜头画稿[12][13]。

《流浪地球》是原著作者刘慈欣头一部真正从文字到电影个作品，而勒拉电影几乎快拍好个辰光，郭帆才头一埭同刘慈欣碰头[8]。刘慈欣表示相当包容电影改编，邪气信任改编[1][8]。

拍摄 编辑

“中国的科幻电影，文化内核和美学呈现必须是中国的，这样观众才会认同并产生共鸣。中国人对土地、对地球的这份眷恋是独有的，所以《流浪地球》一直在追求用中国人的方式，去打造中国人自己的科幻电影。”
——电影《流浪地球》出品人，导演郭帆[14]

 
电影里向用个地表保护服

2017年5月26号，《流浪地球》勒拉山东省青岛市正式开机[12]，大部分场景侪勒拉青岛东方影都拍个[15]，地面场景勒拉箇年9月27号拍好[16][8]。

拍个辰光，导演郭帆搭龚格尔搞出一個三百多人个美术团队，花仔15個号头，准备仔三千多张概念图搭八千多张分镜。参与箇部影片个人数达到7000人，道具有1万件；10万平方米个延展布景相当于15個足球场[17]。

一开始，剧组还碰着投资方万达影业撤资，郭帆搭龚格尔分别卖脱自家个房子、车子，垫钞票推进电影个制作[17]。吴京本来计划作客串个，结果弗仅呒没捞着钞票，还垫仔6000万元进去，变成功出品人哉，主投资方也从中影和北京文化两家公司变成两家公司加浪郭帆搭吴京两家头。因为缺钞票，有个道具还是从宁浩剧组借个[18][19]。道具防护服是北京物理特效421工作室搭新西兰维塔工作室一淘作个[20]。

后期制作 编辑

全片特效有75%是中国团队作个，包括MORE VFX、橙视觉、Blaad Studios（兆影视效），呒没美国团队；希娜魔夫搭新西兰个维塔工作室负责物理特效，也就是宇航员个机械铠甲、运兵车搭其他服装造型（约占三成工作）；场景营造搭CG特效主要是中方团队做个[21][8]。

音乐 编辑

《流浪地球》里向个音乐主要是阿鲲做个，刘韬也做仔附加音乐部分[22]，由英国皇家爱乐乐团勒拉阿比路录音室录个音。

片尾鸣谢 编辑

《流浪地球》个片尾，除脱特别鸣谢吴京先生，还鸣谢仔刘德华先生。刘德华个“亚洲新星导”计划，帮助伊个辰光个新人导演宁浩用2006年个电影《疯狂的石头》赚仔弗少钞票搭名气[23]，才有仔宁浩个资助年轻导演拍电影个“坏猴子七十二变”计划。宁浩个计划才有仔郭帆个箇部电影[24]。


续集 编辑

主文章：流浪地球2
主文章：流浪地球3

参考文献 编辑

  1. ↑ 1.0 1.1 《流浪地球》定档2019大年初一中国科幻冒险启程 (zh-hans) (2018-10-26). 访问日脚2018-10-30.
  2. ↑ 流浪地球演职员. 原始文档勒2019-02-09存档. 访问日脚2019-02-09.
  3. ↑ 朔方 等（2019）．“流浪地球·编年史”，流浪地球电影制作手记．人民交通出版社．ISBN 978-7-114-15160-6． 
  4. ↑ 《流浪地球》里的客串除了雷佳音 原来还有他们 - 中娱网. 访问日脚2019-09-12.
  5. ↑ 中国电影报的微博 (2019年2月15日). 访问日脚2019-02-15.
  6. ↑ 《流浪地球》到底花了多少钱拍成？ 专访中影喇培康：拍摄确实超支但在合理范围 (zh-hans) (2019-02-18). 原始文档勒2020-01-22存档. 访问日脚2019-02-18.
  7. ↑ 刘慈欣又有三部科幻将拍大电影 最高投资近4亿 现身演讲：“不跟《星际穿越》比” (zh-hans) (2014-11-21). 原始文档勒2018-11-03存档. 访问日脚2018-11-02.
  8. ↑ 8.0 8.1 8.2 8.3 8.4 8.5 8.6 戴天文 (2019-02-03). 【专访】《流浪地球》导演郭帆：我们的科幻片还是小学生，一片蛮荒有待耕耘 (zh-hans). 访问日脚2019-02-04.
  9. ↑ 国家新闻出版广电总局电影局关于2016年07月（中旬）全国电影剧本（梗概）备案、立项公示的通知 (zh-hans) (2016-08-05). 原始文档勒2018-11-03存档. 访问日脚2018-11-02.
  10. ↑ 电影拍摄制作备案公示表 (2016-08-05). 原始文档勒2019-02-15存档. 访问日脚2019-02-15.
  11. ↑ “同桌的你”导演将拍刘慈欣《流浪地球》 综艺大电影还没完？《欢乐喜剧人》电影立项 (zh-hans) (2016-08-05). 原始文档勒2018-11-03存档. 访问日脚2018-11-02.
  12. ↑ 12.0 12.1 刘慈欣又一科幻神作将搬上银幕 《流浪地球》青岛开机 《同桌的你》导演执导 (zh-hans) (2017-05-31). 原始文档勒2018-11-03存档. 访问日脚2018-11-02.
  13. ↑ “做科幻电影不仅仅是没有钱这么简单” 《流浪地球》曝科幻特辑 揭秘筹拍四年幕后 (zh-hans) (2018-11-14). 原始文档勒2018-11-14存档. 访问日脚2018-11-14.
  14. ↑ 国产科幻片瞄准贺岁档 将中国科幻独有理念搬上银幕 (zh-hans) (2018-11-01). 访问日脚2018-11-02.
  15. ↑ 梁辰 (2018-05-17). 两部科幻大片在青拍摄 青岛出品成中国科幻电影拓荒者 (zh-hans). 访问日脚2019-02-04.
  16. ↑ 巴塞电影 (2017-09-28). 两部重头戏同一天杀青，明年国产片要有大动静 (zh-hans). 访问日脚2019-01-19.
  17. ↑ 17.0 17.1 "《流浪地球》制片人：只要不赔钱 就可接着拍". 浙江日报. 2019-02-12. 
  18. ↑ 《流浪地球》口碑炸裂！外媒大版面专题报道，吴京目光太独到了！. 访问日脚2019-02-09.
  19. ↑ 任思雨 (2019-02-27). "《流浪地球》出海 国产电影与好莱坞的差距还远吗？". 中国新闻网. 
  20. ↑ 《流浪地球》破13亿成日票房冠军 曝特辑解读幕后. 访问日脚2019-02-16.
  21. ↑ 李照興 (2019-02-19). "【流浪地球】科幻片都要有中國特色？　愛國亦須正視電影質素". 香港01. Retrieved 2019-02-20. 
  22. ↑ 流浪地球 演职员表. 时光网. 原始文档勒2019-02-09存档. 访问日脚2023-03-27.
  23. ↑ 南风窗盐财经 (2022-08-22). 不要绑架刘德华.
  24. ↑ 小迷糊虫儿- (2019-12-24). 流浪地球为什么片尾要鸣谢刘德华？.

外部链接 编辑

取自“https://wuu.wikipedia.org/w/index.php?title=流浪地球（电影）&oldid=306902”