乌克兰
| Україна 乌克兰 | |||||
| |||||
| 自然地理 （实际管辖区） | |||||
| [[Image:{{{国家位置图片文件名}}}|250px]] | |||||
| 首都 | 基辅 | ||||
面积
| |||||
| 人民生活 | |||||
| 官方语言 | 乌克兰语 | ||||
人口
| |||||
| 政治文化 | |||||
| 政治体制 | 共和制 | ||||
| 国家领导人： | |||||
| 主要节日 | 圣诞节 | ||||
| 经济实力 | |||||
| 货币单位 | 格里夫納 | ||||
| GDP | 1576.59 | ||||
| 中央银行 | 乌克兰国家银行 | ||||
| 国家资料 | |||||
乌克兰，英文Ukraine，是一个来勒东欧个平原国家，迭个地方南面挨牢黑海、东面靠牢俄罗斯、北面搭白俄罗斯毗邻、西边搭波兰、斯洛伐克、匈牙利、罗马尼亞还有摩尔多瓦等国家挨牢。乌克兰是欧洲面积第二大个国家，来勒俄罗斯个后头。乌克兰个人口近20年侪来勒下降，现在个人口只有4500万横里哉。
历史
编辑
基辅罗斯到分化
编辑乌克兰地区，是老早斯拉夫人发源个地区。来勒9世纪个辰光，东斯拉夫人来勒现在个基辅地区形成伊拉个城邦国家，到10世纪，个些古代个罗斯人搭南面个拜占庭帝国发生接触，逐渐走向开化。到弗拉基米尔大公个辰光，罗斯人选择东正教作为伊拉个信仰，从此，东斯拉夫人开始受到拜占庭个强烈影响。文明程度来勒迭段辰光也有逐步个提高。到11世纪后半夜，古代个基辅罗斯大公国已经成为东欧顶大个国家。到12世纪后，基辅罗斯逐渐分解成交关小个封建国家，相互之间进行攻伐，开始有多国个体系。弗过，13世纪蒙古人个入侵打乱迭个进程。乌克兰搭其他古罗斯个地区一道，成为蒙古人个奴役领地。
到15世纪，乌克兰地区个罗斯人因为统治者弗同个关系开始逐步分化。来勒克里木半岛高头，蒙古鞑靼人个后裔建立信仰回教个克里木汗国，对乌克兰草原进行人口抢劫，乌克兰东南部由于没有明确个主人，成为哥萨克形成个沃土。乌克兰西部个农奴虽然也形成哥萨克组织，弗过因为波兰王国逐渐强大个关系，伊拉侪受到波兰人个统治。从迭个辰光开始，三个地方个文化发展就出现老大个弗同。
火与剑
编辑到17世纪个辰光，波兰成为东欧顶大个国家，南面个克里木鞑靼拥有奥斯曼帝国个帮助，东面个沙皇俄国开始崛起，迭个辰光个哥萨克人，收到波兰人个宗教打压搭迫害，开始有强烈个反弹，民族认同感开始形成。弗过来勒迭个辰光，作为一个没有多少组织个松散联盟，乌克兰人老难来勒三大势力个夹缝当中生存，必须倒向一方。到1650年代，乌克兰爆发老大个反对波兰贵族骚动。哥萨克组成军队，攻打波兰来勒乌克兰地区个封建堡垒。弗过波兰迭个辰光武器搭组织侪超过哥萨克，哥萨克老难获得优势。所以到1654年，哥萨克只好求同样信仰东正教个俄罗斯来帮忙。俄罗斯要求哥萨克签署一个合约确保两国个合并。乌克兰有条件接受此要求。到1660年代，经过十几年个残酷战争，乌克兰地区个东部开始成为俄罗斯个一部分。弗过此时，乌克兰个西部搭南面还来勒波兰人搭鞑靼人手里向。
小俄罗斯、新俄罗斯搭西乌克兰个并入
编辑18世纪，俄国开始近代化改革，近代思想当中个国家观念开始形成。弗过对于弗属于伊拉个乌克兰，俄国人却进行强行同化政策。俄国人根据历史搭宗教个理由，认为乌克兰地区是伊拉个小兄弟，所以称乌克兰为“小俄罗斯”。俄国新办个学堂，侪用俄文进行教育，对乌克兰语进行打压。莫斯科个大牧首地位也来勒基辅主教高头。乌克兰无论是语言还是文化，侪被强行纳入俄国人个管辖当中。来勒同一个辰光，作为一个新兴个强国，俄罗斯积极搭南面骚扰领土个克里木汗国开战，通过弗短个胜利，逐步占领南俄草原地区。迭个地方被俄国人植入人口搭亲俄个哥萨克，俄国人宣称此地为无主之地，所以命名为“新俄罗斯”。来勒小俄罗斯搭新俄罗斯，俄国人个植入搭当地人个同化几乎迅速进行。两地个乌克兰文化特征比较少，也是迭个原因造成个。
到18世纪晚期，波兰被俄罗斯等三国瓜分，西乌克兰也来勒迭个辰光并到俄国。弗过搭东乌克兰并弗属于一个行政单位，西乌克兰因为来勒波兰个辰光比较长，收到交关西方文化个影响，宗教高头也成为保留一些东正教仪式个东仪天主教。所以当地个贵族侪弗大欢喜俄国。这也造成此地个离心主义比较强个特点。到18世纪末，俄国又拿克里木汗国灭脱，弗过迭个辰光克里木半岛属于俄国个领土，搭乌克兰关系弗是老大。
一战、苏联搭独立之后
编辑一战后期，乌克兰东西部发生剧烈个历史变化。东部来勒1918年之后迅速成为新生个苏联个一个加盟国。西部则有交关地区成为复国个波兰一部分。东部个乌克兰收到苏联个残酷打压，来勒1930年代，爆发严重个饥荒。死脱几百万人。西部则来勒波兰人个手里向重新开始波兰化。弗过1944年之后，苏联红军占领西乌克兰，并让波兰签署条约，拿此地并到乌克兰个范围之内。到1950年代，赫鲁晓夫又拿克里木半岛并到乌克兰。二战后个乌克兰，成为苏联顶重要个农业区搭老重要个工业区。乌克兰个平原生产供全国人民吃个面包，东部个哈尔科夫搭顿涅茨克等地方成为重要个工业中心。黑海边浪向成为交关苏联人向往个度假胜地。弗过从1980年代开始，乌克兰开始陷入倒退。一直到1991年，苏联解体，乌克兰也活得独立。
独立之后个乌克兰处于两难个境地，因为东部搭南部有交关俄罗斯人，伊拉并弗认同自家个“乌克兰人”身份，西部个乌克兰人又敌视历史高头俄国人个影响，主张拥抱欧洲，所以两方个矛盾一直老激烈，乌克兰来勒2004年发生“橙色革命”，让亲西方个政党上台，弗过到2010年，亲俄个政党重新夺权。弗过无论啥人当政，乌克兰个经济侪么多少起色，现在乌克兰个GDP只有三千多美元，来勒欧洲排名倒数。
2013年年底，围绕乌克兰加入欧盟个问题，乌克兰东西部个矛盾开始激化。到2014年，交关城市发生严重个暴力冲突，引发世界各国个关注。迭场冲突也被认为是文明冲突搭大国博弈个一个结果，短期内老难得到解决。
地理
编辑乌克兰是欧洲第二大国家，有超过60万平方公里个面积搭2700多公里长个海岸线。乌克兰境内大部分地区侪是平坦个平原或者高地，山脉比较少。境内适合进行农业耕种。乌克兰东西长1316公里，南北长有893公里。顶大哥大山系是来勒境内个喀尔巴阡山，顶高个山峰是戈尔维拉峰，海拔有2061米。顶长个河流第聂伯河，是俄罗斯发源个，来勒乌克兰河段长度为981公里，也被称为乌克兰个母亲河。乌克兰个气候是典型个大陆气候，境内大多数地区侪似乎温带大陆性气候，只有南面个克里木半岛有亚热带气候，这也让此地成为旅游胜地。
文化地理问题
编辑
乌克兰个母亲河第伯聂河，拿乌克兰分成基本相等个两个部分，迭两个部分，差异邪气明显，体现来勒交关方面。来勒语言高头，西乌克兰使用东斯拉夫语里向个乌克兰语为主。教材搭公共场合侪以乌克兰语为标准用语；东乌克兰欢喜使用俄语。来勒东乌克兰个交关地方，使用乌克兰语被认为是极端民族主义搭纳粹主义者。克里木半岛高头更加是以俄文作为绝对个主导。来勒宗教高头，东乌克兰信奉东正教，受到俄罗斯个影响，对莫斯科大牧首有劳高个忠诚。西乌克兰认同基辅个主教，来勒利沃夫等地区，更有交关天主教信徒。来勒经济方面，东乌克兰多为重工业，西乌克兰多农业。来勒历史传承方面，东乌克兰认为自家是俄罗斯人个一部分，乌克兰弗过是俄国个一个地区；西乌克兰认为乌克兰是欧洲个一个独立国家，历史高头受到波兰人个影响。迭些弗同，让两边个居民老难有共同语言，来勒冷战结束之后，东面个居民亲近俄国，西面个居民亲近欧洲，尤其是波兰。造成国家认同感极其推板。
民族
编辑乌克兰作为一个民族个历史已经有好几百年哉，弗过由于来勒俄国境内长辰光同化个缘故，现在乌克兰个人口组成并弗单一。根据2001年个乌克兰人口普查，有78%个人口是乌克兰人。17.3%是俄罗斯人，还有4%是其他民族（包括白俄罗斯人，鞑靼人等）。有67%个人口生活来勒城市地区，东部搭南部个工业地带是人口顶多个地区。
人口危机
编辑同交关东欧国家一样，独立之后个乌克兰经历出生率个大幅下降。搭伊拉个邻国相比，乌克兰个人口减少更加漫长，而且严重。乌克兰个人口长年负增长已经成为一个严重个社会问题。现在乌克兰个人口每年侪减少150000人，来勒世界高头排在第四位。弗仅如此，乌克兰个人均预期寿命也来勒减少。现在普遍认为，该国个人口问题来自苏联辰光遗留个工业污染，饮食推板以及恶劣个医疗卫生服务。
宗教信仰
编辑作为欧亚大陆个一个过渡地带，乌克兰人个宗教信仰受到东西两方面个影响。来勒西乌克兰，因为历史高头波兰统治个原因，一直流行天主教，或者是东礼天主教。来勒乌克兰个东面，流行东正教，乌克兰有自家个基辅牧首区，弗过东部个居民大部分属于莫斯科个牧首。根据2003年个调查，75%个乌克兰人表示信仰上帝，22%个乌克兰人没有信仰。37%个乌克兰人定期参加宗教活动。
