欧洲

欧罗巴洲（Europe），名字来自希腊神话当中个女人“欧罗巴”（希腊语：Ευρώπης），此地属于欧亚大陆个一部分，具体为止立在东半球个西北面，北临北冰洋，西挨大西洋，南面是温暖个地中海替黑海。伊个边界有争议，乃朝比较公认个划分是俄罗斯人做出个，是东至乌拉尔山脉

欧洲面积弗是太大，立在世界浪排名第六，人口密度70人\km²，乃朝是世界人口第三多个大洲，只排勒亚洲替非洲后面，欧洲是近现代文明个发源地，拥有邪气丰富个人文资源。乃朝，此地畀分成五十几个国家，人类生活水平蛮高。

定义

对欧洲个定义，立在弗同个历史阶段有弗同含义。立在古希腊辰光，哲学家认为世界畀分成三个部分：欧罗巴、亚细亚替亚非利家。