米兰

米兰（伦巴第文：Milanese，意大利语：Milano）是欧洲阿尔卑斯山南面伦巴第地区个核心城市。乃朝属意大利管辖，也是意大利排在首都罗马之后个第二大城市。米兰亦是南欧洲个交通要点，有交关悠久个历史，以观光、时装、建筑搭仔足球闻名。

米兰历史悠久，君士坦丁大帝就立在此地颁布宽容基督徒个米兰敕令。中世辰光，此地成为繁荣个工商业城市搭米兰公国首府。19世纪意大利合并之后，此地工商业极速发展，弗过也同时带来本地语言伦巴第语因为意大利推普造成个消亡。

米兰个时装工业交关有名个。拿破侖山道（Via Montenapoleone）是米兰里向顶顶重要个时装店街道。

米兰有两只世界级个足球队，分別是AC米兰搭仔国际米兰。乃歇米兰市内个圣西路球场，也是世界级球场，1990年意大利世界杯个开幕式勒到渠俚举行。

米兰是世界上一个歌剧中心，著名个斯卡拉歌剧院（La Scala）居勒勒米兰市中心。