维多利亚女王

维多利亚女王（吴拼：Vi-Tou-Li-A，英文：Queen Victoria，全名：Alexandrina Victoria，1819年5月24号－1901年1月22号），是19世纪中期开始统治英国个女王。渠1837年6月20号接替威廉四世继承大不列颠王位，立在1877年1月1号，开始兼任印度皇帝，1901年1月22号驾崩。渠统治个辰光，英国拥有世界超一流个霸权替广阔个殖民地。是无可争议个黄金年代。盖咾，㬮朝䜒昰段辰光叫维多利亚时代。

维多利亚登基肖像

家世

维多利亚女王是乔治三世第四个儿子肯特公爵爱德华个囡，照辈分讲起，是乔治四世搭威廉四世个侄囡。乔治三世渠自有交关儿子辈，弗过，渠场儿子全弗中意养囡，盖咾汉诺威王朝个继承发生著危机。到1820年乔治四世死脱之后，维多利亚作为唯一一个有继承身份个人，畀交关保卫护起，然也让渠个童年压抑险。

统治措施

在维多利亚女王统治个辰光，英国个君主立宪制开始发展成玱朞个局面。女王本身对政治兴趣弗大，担国家个事干统交畀渠自个首相走妆。等渠场老公艾伯特亲王死脱著之后，渠长期住在奥斯房宫。弗转伦敦，盖咾伦敦个首相权利分格大。

遗产

维多利亚女王共总在位63年7个月2日，是英国历史丄在位第二长个君主（第一名是伊丽莎白二世）。渠即位个年代䜒维多利亚时代，英国个工业、文化、政治、科学搭军事全发展著历史顶峰，许歇英国也畀人䜒成功大英帝国。维多利亚女王也是汉诺威王朝阿末一位君主。渠场儿子爱德华七世开始个王朝，䜒萨克森-哥堡-哥达王朝。