莘庄站（地铁）

莘庄站来勒上海市闵行区莘庄镇莘建东路，是上海轨道交通1号线、5号线个换乘车站。伊正好也是1号线南面边终点站搭5号线北面边终点站，亦是上海地铁唯一一座所有站台侪拉地面丄个换乘车站。1号线部分来勒1996年12月28号启用，5号线部分来勒2003年11月25号造好。规划丄，等莘庄综合交通枢纽启用以後，乘客也好勒拉迭站出站换乘金山线。

莘庄站1号线站台

站厅

车站

车站楼层

莘庄站个结构好分成两层，地面层是站台，地上二层是站厅。

地上二层	站厅	票务服务、自动售票机、人工服务台
地面层
	侧式站台 · 开右边车门
		█ 5号线 往奉贤新城或者闵行开发区方向（春申路）
		█ 5号线终点站 下车站台
	侧式站台 · 开右边车门
	侧式站台 · 开右边车门
		█ 1号线终点站 下车站台
		█ 1号线 往富锦路方向（外环路）
	侧式站台 · 开右边车门

站线配置

莘庄站1、5号线侪是站后折返，5号线设有去莘庄辅助停车场个出入库线，另外海有1号线、5号线联络线。

1号线个站后折返线按6节编组设计，列车扩编到8节以後折返线个长度弗够，车子呒办法开到ATP停车点，需要司机二次对位，避免两股折返线进路信号个冲突。为咾提高折返效率，2018年1月7号到1月18号，1号线莘庄站进行道岔改造，来勒站前设置交叉渡线搭仔5号线联络线。到2019年，最小折返间隔压缩到2分45秒（22对/小时），弗过还会得牵制1号线运能。

5号线方面，折返线一开始是曲线结构，道岔侧向限速较低，设计折返能力是4节编组163秒，经GoA3信号改造好压缩到135.5秒，必过离运营实际需要个6节编组133秒还有差距。2022年春节，5号线交叉渡线满使用年限哉，故咾调脱。 来勒天芸个设计图丄，5号线原先个曲线折返线会得畀伊拉拉直，原折返线变成桩基。。

事故

莘庄站发生个两桩事故侪同连接南出口横跨沪昆铁路个天桥有关：

• 2016年7月6号14点10分左右，一個男个从天桥丄跳下去，撞勒部金山线列车丄，人当场死脱，金山线列车短暂停车。
• 2021年7月26号，天桥个顶棚畀台风烟花吹勒跑，敲坏脱下头沪昆铁路个接触网，沪昆铁路行车受到影响。

未来发展

拆之前个莘庄站北裙楼（2009年）

2018年个南出口临时天桥

拆脱个莘庄站北裙楼（2019年1月份）

造个辰光个天荟（2019年7月）

莘庄站改造，即将成为莘庄综合交通枢纽。造好以後个交通枢纽会得有轨道交通站头、通勤铁路站头、公交枢纽咾啥个，变成功上海西南地区重要个交通枢纽。箇隻工程也会得拿水清路搭仔都市路打通。原先个沪昆铁路天桥会得拆脱。施工期间，莘庄站功能弗受影响。项目预计曾计划来勒2022年整体竣工交付，乃朝推到2026年哉。

2014年6月26号，项目正式动工。2016年11月29号，南出口临时通道启用，原先个南出口封闭脱。。2017年2月份，裙楼马上就要拆咯，北广场启用东面隻钢架通道搭仔西面隻临时通道。2017年3月31号，北广场裙楼正式开拆，拆到2017年7月份。2022年，项目个关键工程——上跨1号线、5号线搭仔沪昆铁路个大平台正式开工。2023年11月17号，为咾配合天荟铁路大平台施工，车站南出入口新造个人行天桥正式启用；11月24号，原先个南出入口天桥封闭脱。

L3	空中平台	水清路、都市路、天荟入口
L2	换乘层	莘庄站站廳
L1	北广场	公交车、出租车、非机动车
	站台	莘庄站站线
	南广场	公交车、出租车、非机动车

外部链接

维基共享资源里向寻得着搭该篇文章搭界个多媒体资源：

莘庄站（地铁）

• 上海地铁—1号线莘庄站车站信息 档案，存勒互联网档案馆当中。（2018年6月17号）
• 上海地铁—5号线莘庄站车站信息^{[链接坏脱]}