莘庄镇

莘庄镇是中国上海市闵行区下头一隻镇，也是闵行区政府驻地，闵行区政府自称伊地理浪向是“上海个中心”。莘庄站面积19.12平方公里，户籍人口14.47万人（2008年）。

历史

莘庄镇因为跨莘溪而得箇隻名字。莘庄地区来勒南北朝已经由坟头哉。

南宋度宗咸淳年间（1265年-1274年），镇上已造有施水庵，俗称草庵。施水庵本来来勒镇南南栅口南面约莫200米个地方，光绪三十四年（1908年）修沪杭铁路，南栅口外头设莘庄车站，故咾同南面个春申庵合併哉。现在两座庵侪湮没脱哉。

莘庄自南宋至民国二年（1913年）一直隶属于华亭县。民国元年（1912年）华亭、娄县两县合并为华亭县。民国三年（1914年），华亭县改叫松江县，莘庄还是松江县个。民国十七年（1928年）设镇。民国三十五年（1946年）划畀上海市第二十六区龙华区。1949年5月15日莘庄解放，由松江县接管，设立莘庄乡人民政府，同年9月复属上海市龙华区。1951年7月份，莘庄乡分两乡（莘北、莘南）一镇（莘庄镇）。1956年2月份，两乡一镇再合併成莘庄乡。1956年3月，上海市龙华区同新泾、真如两区合併出西郊区。1958年8月15号，西郊区撤销，莘庄乡畀划进上海县。同年9月21号，成立七一人民公社，莘庄乡编成第三大队。1961年8月，第三大队同第二大队部分地区从七一人民公社划出去组成莘庄人民公社。1960年12月成为上海县县治。1965年，建立莘庄城镇工作组。1966年5月经国务院批准，莘庄镇成仔县属城镇，脱离公社，成立莘庄镇人民委员会。1992年6月，上海县同闵行区合併，莘庄是新个闵行区个区政府驻地。

1999年4月15号，大韩航空货运6316号班机从上海虹桥国际机场起飞以後落勒莘庄镇沁园春小区建筑工地里向，造成机上全部3人、地面5人死脱，地面丄另有42人受伤。

外部链接

维基共享资源里向寻得着搭该篇文章搭界个多媒体资源：

莘庄镇

• 上海闵行莘庄政府网站 档案，存勒互联网档案馆当中。（2022年10月4号）