菩提达摩

菩提达摩大師名字个梵文写法是「बोिधधमर्」，读法特之英文写法是「Bodhidharma」，中文简称是「达摩」，也有人拿伊个名字写成「菩提达磨」。如果从梵文意思翻译过来，「菩提达摩」就是「觉法」来勒中国佛教里，大家都晓得达摩大師是中国禅宗个初祖，也就是禅宗东传到之中国以后个第一代祖师。达摩大師特之宝誌禅师、傅大士一道被称为梁代三大士。

生平经历

根据《洛阳伽蓝记》个本古书上讲，达摩祖师是波斯国个胡人。 但勒僧传特灯录上就有更加明确个记载，讲伊是「南天竺人」、「婆罗门国王第三子」。达摩祖师来勒伊青少年个辰光就邪气有智慧，外加思想反应交关快，伊听到啥事体就晓得是啥意思还能悟出当中个奥妙来。伊主要是阐述跟弘扬大乘佛教个思想。《宗镜录》上个记载讲达摩祖师「心念众生，而不识佛」，而且感慨「世有形法，而易了之，唯佛心法，难有会者」。意思是讲伊可怜众生呒没办法真正认得佛，也不明白佛个心法。后首来伊碰着般若多罗尊者教伊，从此出家并悟了道 ;

达摩祖师到中国来是乘船到东海边吴越个地方，后来伊旅行到了洛阳及再过去个地方。伊勒中国后来教个弟子有沙门道育、惠可。宝誌禅师觉得达摩祖师传个是佛个心印，是像观音菩萨那样个圣人。达摩祖师个游化事迹是记录勒《楞伽师资记》、《洛阳伽蓝记》里厢;

达摩到之中国来之后个弘法事业并勿成功，伊个“斥相指心”个禅宗宗旨特当时辰光个论师、律师勒佛法浪个论点特别勿一样，所以吃不开，也碰着过多次迫害。伊也碰着过梁武帝，但两家头闲话讲勿到一道去。弄得来伊就再朝北走，后来到勒北魏，伊曾经用了九年个辰光勒嵩山个少林寺面壁而坐。 根据《神僧传》浪讲，伊死后安葬勒熊耳山，当时伊一百五十岁。

来勒僧传特灯录上个记载当中，达摩一生当中显过蛮多个圣迹，其中有「一苇渡江」、「中毒勿死」、「死后复活」……等事迹。伊是中土禅门个开山祖师，而且是一代高僧。

达摩个禅法思想

达摩个禅个思想之要点是宣宗禅门，讲人心就是佛境，自备圆顿(本来就完全来勒亥)，不需修整(用勿着修理或者整补)。

《菩提达磨大师略辨大乘入道四行观》是伊个思想个一篇主要论著，达摩拿入道个要门归纳为之“理入”特之“行入”个两种。

所谓“理入”，指个是要我伲“藉教悟宗”，并且“深信含生同一真性，但为客尘妄想所覆不能显了”。假使我伲勒修行个实践当中能做到“舍妄归真”，就可以证得两种境界。

第一是「凝住壁观」，要能够「无自无他，凡圣等一，坚住不移，更不随文教，此即与理冥符，无有分别，寂然无为」。第二是「於诸世相，应机接物，了明如幻，其心如如，不随境迁，行住坐卧，动静一禅，无为住性」。

所谓「行入」，统括为四行：报冤行、随缘行、无所求行、称法行。

1. 报冤行，修道行人若受苦時，应该自家对自家讲：我往昔无数劫中，无明所至，多起冤憎，为害无限，今虽无犯，但是宿殃恶业果熟，应自忏悔，体冤进道。
2. 随缘行，应明苦乐齐受，皆从缘生。胜报荣誉等事，是过去宿因所感和合今世新因业报所显，皆属因果惑业有为之相，緣尽还无。故应得失從緣，心无增減，喜风不动，冥順於道。
3. 无所求行，由于世人长迷，处处贪着，名之为求。智者悟真，能安心无为，形随运转，万有斯空，见相无执，无所愿乐。深知三界犹如火宅，有身皆苦，能捨诸有，应物不追，止想无求。
4. 称法行，提出性净之理，有净所获谓之为凡，无净无得，目之為法。此理众相斯空，无染无着，无此无彼。无内无外，无大无小，无有妄执分别。在六度的修行中，法体无慳，身命财行檀捨施，心無吝惜，脫解三空，不倚不着，但为去垢，称化众生而不取相。此为自行，复能利他，亦能庄严菩提之道。檀施既尔，余五亦然。为除妄想，修行六度，而无所行。

參考文献

1. 仰諤益西诺布大法王，《正达摩祖师论》，世界法音出版社。
2. 《菩提达磨大师略辨大乘入道四行观》
3. 《宋高僧传》
4. 《楞伽师资记》
5. 《洛阳伽蓝记》
6. 《永嘉证道歌》
7. 《宗镜录》
8. 《正法眼藏》
9. 《天圣广灯录》
10. 《传法正宗记》