蔣中正

(从蒋中正转戳到箇里)

蒋中正(1887年10月31号—1975年4月5号),介石[注 1]浙江奉化人,中华民国政治人物、军事家。蒋中正跟牢孙中山革命,孙中山过世之后领导中国国民党半个世纪。历任黄埔军校校长、国民革命军总司令、国民政府主席、行政院院长、国民政府军事委员会委员长、中华民国总统。

1943年蒋中正就任国民政府主席辰光个肖像

1926年7月,蒋中正就任国民革命军总司令,开始北伐。1927年4月勒上海清党,搭中国共产党决裂。1930年10月受基督新教洗礼[1]:187。1936年西安事变之后,蒋停止剿共,统领军民抵抗日本侵略,最终获胜,中国成为五大联合国安全理事会常任理事国之一。战后中华民国制定宪法,蒋当选行宪后第一任总统。勒第二次国共内战当中,蒋领导个中华民国政府丧失大陆,1949年播迁臺灣。后歇来蒋仍旧以总统身份统治臺澎金马一脚到1975年过世,期间主张反攻大陆、反共复国。

屋里编辑

 
1927年12月1号,蒋中正搭第四房老婆宋美龄搞婚礼

蒋介石个屋里,是世代立在浙东明州府下头奉化县居住个吴越人。伊个爸爸叫做蒋肇聪,1895年死脱。妈妈叫做王采玉,1921年死脱。1901年,蒋中正立在妈妈个安排下头,搭毛福梅成亲,毛福梅是伊个原配。弗过,蒋讨厌迭个包办婚姻,对毛福梅也无多少感情。之后伊离开溪口镇后,毛福梅一直搭王太夫人合住。但毛福梅还是帮伊生下唯一个合法亲骨肉蒋经国

1911年,蒋中正姚冶诚变成自家个侧室。弗过,让伊蹲在苏州,弗去奉化。迭个辰光,蒋立在日本。搭戴季陶关系密切。同时搭戴季陶个女伴重松金子也有过关系。重松帮戴季陶生下一个儿子。过继畀蒋中正。蒋拿迭个小孩交畀姚抚养,个就是后势来个蒋纬国

1921年,蒋介石追求女学生陈洁如得手,就弗管之前个婚姻,铺开老大个场面,立在上海永安大楼举办大型婚宴,让张静江见证自家搭陈洁如个婚礼。弗过,之后,因为蒋中正个地位攀升,伊又想攀上新个家族,获得更加大个政治资本,个能。到1924年个辰光,伊开始自家追求宋美龄。到1927年,强行拿陈洁如送到美国。随后,立在自家下野个辰光,宣布搭宋美龄结婚。

1927年12月1号,蒋中正搭宋美龄立在上海结婚,同时搭之前个三个老婆侪离婚。按照宋家个要求,蒋还皈依基督教,成为基督徒

著作编辑

蔣中正欢喜写日记,也写过一些其他材料,包括《西安半月記》、《中國之命運》,《蘇俄在中國》之类。

蔣介石日記编辑

蔣介石日記是蒋中正所写日记个汇编,乃朝由美國史丹佛大學胡佛研究所圖書檔案館收藏,已允许研究人员阅览。[2]:10

饮食编辑

蒋介石欢喜吃个物事是鸡蛋鸡汤。蒋介石对鸡汤个欢喜是有名个。早浪吃饭侪会吃一碗温度蛮高个鸡汤。中餐搭晚餐也基本靠鸡汤调味。因为牙齿肠胃侪弗灵光,蒋介石也欢喜吃芋头,伊欢喜吃鸡汁芋头,也欢喜吃芋头白菜搭芋头青菜。蒋介石吃肉老少,吃鸡蛋是解馋。也欢喜吃笋。欢喜油焖鲜笋,笋尖炒豆腐。立在水产当中,蒋介石欢喜吃西湖醋鱼搭宁波特有个一些海鲜。

註釋编辑

  1. 名、字典出《易經》豫卦六二:「介於石,不終日,貞吉。象曰:不終日,貞吉。以中正也」

參考資料编辑

  1. 漆高儒(1991).《蒋经国的一生》.台北:传记文学出版社. 
  2. 劉維開著:《蔣中正的一九四九——從下野到復職視事》,台北,時英出版社,2009年8月,ISBN 9789866653322

外部連結编辑

 
维基语录上有关个摘錄:
维基共享资源里向寻得着搭该篇文章搭界个多媒体资源: