衢州

衢州市（衢州话：[dʒɥ.tʃiɵ.zɿ]）是中华人民共和国浙江省下底个一个地级市，简称柯。立勒浙江省个顶西面，衢江（钱塘江上游段）沿岸，浙赣线（沪昆线浙江段）上头。省内同金华、杭州、丽水三市隔近，省外同安徽、江西、福建三省交界，地理位置交关要紧，历来是兵家必争之地。

历史

衢州个节是中国历史文化名城之一。

东汉年间置新安县，晋朝改信安县；唐朝改西安县；1949年，立老早衢县县城设衢州市；1985年5月，国务院批准撤销金华地区建制，衢州升为省辖市、辖4县1市1区；2001年撤销衢县，设立衢江区。

衢州市立勒金衢盆地个西面，南、北、西面统是丘陵，中央同东面是平原。

衢州地区个方言统算是吴语（弗过也有别样个说话，比方讲客家话、畲话、福建话、江西话，个星说话基本高头是老早个移民带来个），其中衢州跟龙游方言属于吴语金衢片，江山、常山、开化个方言属于吴语上丽片上山小片。

衢州素有四省通衢之称。

衢州是个工业城市，衢州化学工业公司是全省最大个化工企业。衢州地区盛产毛竹，特色农业较为发达。