人口

人口（Population），通常是指一個地理区域个人類数目，对人口进行研究个科目有社会学搭地理学，該個是人口学研究个最基本个范畴。人口个多少由交關因素決定，譬如死亡率、出生率、婚姻率、離婚率咾啥。研究人口用到社會學、經濟學、地理學等理論，研究个話題也邪氣廣泛。就統計來講，人口有辰光弗是用地方來計，而是用某排共同特徵來計算。對一國來講，人口普查往往幾年一趟，以固定期限方便研究數據。隨脫清點人數之外，亦統計佢場个狀況，像收入、住屋、年齡、住房咾啥。人口調查邪氣重要，該個直接同政策相關，等政府得出數字搭趨勢，方便施政規劃。商業機構亦可以從中準備部署。