赵飞燕（？—前1年），是西汉辰光汉成帝个第二任老婆。伊勒前16年畀册封为皇后，妹妹赵合德亦封为昭仪。前7年汉哀帝继位后，伊搭傅昭仪、丁姬共同成为太后。前1年哀帝死脱，伊畀王莽迫害，勒废为庶人后自杀。
正史里向呒没写伊个本名，只讲伊个号是“飞燕”，故咾叫伊赵飞燕。赵飞燕体态轻盈，身轻赛过燕子，传说伊好跳掌上舞[1]。
