输入法
輸入法編輯器（英语：input method editor，縮寫爲IME），是指鍵盤擊鍵或鼠標移動翻譯成字符來輸入个作業系統組件。
語言特徵與輸入規格
编辑輸入法个需求是來源於鍵盤个限度。鍵盤老底子垃打字機時代爲英文字母而設計，但鍵盤衹有一百鍵橫裏，垃嘸沒軟件个説明下頭咾渠是無法輸入中文或其他大型形意文字語言个。
弗同語言、國家、或地區，有多種弗同个輸入法。
乃朝世界丄向咾，多數个輸入法軟件是爲漢語，韓語，搭日語而設計个。
- 漢語有上萬字，必須使用特別方式輸入漢字。
- 韓語使用大量个諺文。雖然諺文是字母系統，但是渠个字母組合邪氣特別，也需要一種轉換系統。而且，韓語有交關个漢字借詞，偶爾需用漢字來分別同音詞。
- 日語使用平假名、片假名搭漢字。雖然大多軟件搭鍵盤儕支援假名輸入，但是普遍儕用日語羅馬字來拼寫輸入日文，無論是輸入假名還是漢字。
除脫箇三種語言，其它需求輸入法个語言弗是老普遍。箇也是有種種原因，像歷史，經濟，政治、環境咾啥。拿越南語作比方，雖然越南語弗是一種漢藏語系語言，歷史丄，越南文人是用漢字來拼寫自家个語言——喃字。但是垃二十世紀初，殖民越南个法國建立起教育系統，用拉丁化拼寫越南語替換脫喃字。
雖然輸入法由於速度弗適合用垃輸入字母文字，但是輸入法系統還是可以搭配个。垃UNIX系統裏向，SCIM輸入法平臺可以讓使用者輸入自家鍵盤弗支援个字母，像添加附加符號个字母。
輸入裝置
编辑根據輸入裝置个弗同，輸入方式又分爲鍵盤、手寫、語音咾啥。鍵盤輸入是頂頂基礎个電腦輸入方式。
手寫辨識借著電腦个認字功能，由使用者个手寫字體來辯別中文字或其它符號。語音辨識使用話筒搭語音辨識軟件來辯別中文字。由於技術難度搭設備个弗普遍，昰兩種輸入方式儕朆成熟。
輸入法个含義
编辑輸入法是一個模糊个稱呼，可能用垃表示編碼方案或者輸入平臺。
編碼方案，指擔輸入个按鍵變爲字元輸出个轉換規則，譬如中文編碼方案是擔按鍵序列轉換爲漢字个規則。譬如拼音輸入法、五筆輸入法、注音輸入法。
輸入平臺，有辰光也稱爲輸入法引擎（英语：Input Method Engine），或稱輸入法編輯器（英语：Input Method Editor），縮寫爲IME，指驅動輸入方案以實現實際輸入个軟件。譬如搜狗拼音輸入法、王碼五筆輸入法、新酷音輸入法。
專利與著作權
编辑輸入法个拆字方法搭原則若其符合專利法條件可受到專利權个保護。但是任何人依據同一套拆字方法或原則衍生出个編碼表是唯一个、儕一模一樣，告咾此編碼表弗受著作權法保護。[1][2]
參攷資料
编辑- ↑ 專利期間已屆滿之中文輸入法能以著作權保護字碼表嗎？. 原始文档勒2012-06-24存档. 访问日脚2016-11-18.
- ↑ 字形檔侵權，輸入法弗侵權. 原始文档勒2013-04-26存档. 访问日脚2016-11-18.
外部連結
编辑- BhashaIndia 档案，存勒互联网档案馆当中。（2008年7月20号）, the Microsoft portal for Indic languages, which has Indic IME for download.
- Tutorials
- What is an Input Method Editor and how do I use it?, a Microsoft article about Windows XP Input Method Editor.
- Enabling International Support in Windows XP/Server 2003 Family, a Microsoft tutorial on how to install input methods on Windows XP.
- IME Tutorial 档案，存勒互联网档案馆当中。（2005年11月25号）, tutorial on how to use Microsoft Global IME for pre-Windows 2000 systems.