農藥 (nung-yak)，照美國環保署个定義，是指任何好預防、摧毀、驅逐、或者減輕害蟲个物質或者混合物。「害蟲」通常指搭人類競爭食物，破壞財產，散播疾病或者造成困擾个生命體，包括昆蟲、植物病原體、雜草、軟体動物、鳥類、哺乳類、魚類、線蟲類（蛔虫）還有微生物。交關農藥對人體是有毒个。
一架小型飛機勒噴灑農藥
農藥可以是化學物質，生物（如病毒或細菌），殺菌劑，抗感染劑，或者是別个好對抗害蟲个手段。
- 殺菌劑
- 殺真菌劑
- 除草劑
- 殺蟲劑
- 有機氯殺蟲劑
- 有機磷殺蟲劑
- 氨基甲酸鹽類殺蟲劑
農藥會進入河浜，水蕩或者海洋，擔水質變酸，引發海藻个瘋長，蓋咾大量水生生物會生病甚至死亡。
