钱元瓘
钱元瓘（887年－941年），字明宝，原名钱传瓘，五代个辰光吴越国君主，是吴越国建立者钱镠个倪子。
生平
编辑钱传瓘是吴越武肃王钱镠第七个倪子，唐朝光启三年十一月十二号养勒杭州东院，娘是妃陈氏。 唐昭宗天复二年（902年），宁国节度使田頵攻击钱镠，搿许辰光钱镠是镇海节度使（今朝浙江杭州），要回师个辰光，要求钱镠拿一个倪子来做人质，再拿囡鱼嫁畀俚个倪子。钱镠个几个子侪弗肯去，只有钱传瓘自愿前往，钱镠为之搿状事体觉着惊奇。后来田頵败死，钱传瓘得以回到杭州。等到长大成人后，领吴越军争战各地，有弗少战功，因此钱镠想要立储个辰光，几个兄弟钱传懿、钱传璙、钱传璟侪要让畀俚。 吴越宝正七年（932年）钱镠死脱，钱传瓘继立，改名钱元瓘，弗称王，继续用后唐长兴年号。后唐明宗李嗣源长兴四年（933年），畀后唐封为吴王。第二年（934年）改封钱传瓘为吴越王。后晋天福二年（937年）四月，后晋高祖石敬瑭进封钱元瓘为兴邦保运崇德志道功臣、天下兵马副元帅、镇海镇东等军节度使、浙江东西等道管内观察处置使兼两浙盐铁制置使、开府仪同三司、检校太师、守中书令、杭州越州大都督府长史、上柱国、食邑一万五千户实封一千五百户、吴越国国王，赐天下兵马副元帅金印。钱传瓘勒四月甲午勒杭州行即位礼，吴越再度开国。搿一年十一月后晋赐吴越国王金册。 天福六年（941年），吴越王宫丽春院火失，宫室府库几乎侪畀烧脱，钱元瓘逃到哪搭，火就蔓延到哪搭。受到之惊吓，钱元瓘因而发疯，迁到之杭州城东北个瑶台院（原来是钱元瓘帮孝献世子钱弘僔造个世子府）。八月辛亥，钱元瓘勒瑶台院彩云堂去世，终年五十五岁，在位十年。后晋赠谥庄穆，后改文穆。吴越上庙号世宗。葬勒今朝浙江萧山龙山南。倪子钱弘佐继位。
子女
编辑- 琼山侯 钱弘僎
- 彰武节惠节度使 钱弘儇(钱弘偁)（913年 - 966年）
- 西安侯 钱弘侑
- 孝献世子 钱弘僔（925年 - 940年，937年立）
- 成宗 钱弘佐
- 忠逊王 钱弘倧
- 吴兴恭义王 钱弘偡
- 忠懿王 钱弘俶
- 奉国康献节度使 钱弘亿
- 开国彭城侯 钱弘仪（932年 - 979年）
- 衢州刺史 钱弘偓（934年 - 958年）
- 台州成显刺史 钱弘仰（935年 - 958年）
- 昭化静宣节度使 钱弘信(钱信)(钱俨)