钱塘江
钱塘江是浙江省个第一大河，也是吴越地区顶顶重要个河流。发源于安徽黄山，流经安徽、浙江两省，古名“浙江”，也叫“折江”或“之江”，最早出现勒《山海经》浪，是吴越文化个主要发源地之一。河流全长688千米，流域面积5.56万平方千米，年均流量442.5亿立方米，河口潮汐水力资源理论蕴藏量为472万千瓦特。
干流
编辑新安江水库以上为上游。新安江水库到富春江水库为中游。富春江水库以下为下游：
上源冯村河流经皖南山地，到休宁县鹤城，搭源出怀玉山五股尖个梅溪源会合后，称大源溪。大源溪沿途汇纳个诸支流源短流急。从休宁县流口合小源河到屯溪间称率水。到屯溪纳支流横江后称渐江，勒歙县浦口，练江从北面注入。浦口到浙江建德县梅城镇间称新安江。勒歙县街口以下属山溪性河流。 新安江流到梅城，接纳支流兰江、桐江，三江会合成“丁”字形。兰江是钱塘江最大支流个一段，上游马金溪源出安徽休宁县南部青芝埭尖北坡。到衢州双港口纳江山港间称常山港。常山港大部分侪勒山区里流。衢州市到兰溪称衢江，兰溪到梅城间称兰江。衢江流经金衢盆地，河道宽广，水深流慢，出金衢盆地，河床渐见深邃。桐江是梅城到桐庐个一段支流，梅城以下大概7千米个乌石滩起，进入七里泷峡谷，峡谷全长大概22千米。富春江水库建成后，七里泷江面展宽，原浅滩没入水中；兰江、桐江部分河道形成水库。出七里泷后，江面开阔。 受潮水影响，属钱塘江河口区。由桐庐到萧山县闻堰称富春江，河床开阔稳定，水流缓慢，堆积显著，河漫滩发育，基本弗受海域来沙影响。闻堰到杭州闸口段，河床宽浅而河道迂回曲折，形状像“之”字，又称之江。闸口以下再开始叫钱塘江，后泛指全河，涌潮汹涌。澉浦以下为杭州湾。
钱塘江潮
编辑首先，杭州湾呈喇叭形，口大肚小。钱塘江河道从澉浦往西，急剧变窄抬高，让河床个容量突然缩小，大量潮水拥入交关狭个河道，潮头受到阻碍，后头个潮水又急速推进，让潮头陡立，发生破碎，出现壮观场面。但不过，河流入海口是喇叭形个河有弗少，但能形成涌潮个河口是交关少个，学者认为，涌潮个产生搭河水流速跟潮波速度个比值有关，要是两者个速度相近，有利于涌潮个产生，要是两者个速度相差相当大，就弗能形成涌潮。
跨江大桥
编辑钱江一桥（钱塘江大桥，一条铁路线）
钱江二桥（彭埠大桥，两条铁路线）
钱江三桥（西兴大桥）
钱江四桥（复兴大桥）
钱江五桥（袁浦大桥）
钱江六桥（下沙大桥）
钱江七桥（之江大桥）
钱江八桥（九堡大桥）
钱江九桥（江东大桥）
钱江铁路新桥（四条铁路线）
过江隧道
编辑庆春路过江隧道
钱江隧道
