长江口
长江口是长江勒东海入海口个一段水域，从江苏江阴鹅鼻嘴起，到入海口个鸡骨礁为止，大概232公里。[1]
演变
编辑长江三角洲是冲积平原，长江个河口也一直来变化。2000年前，长江入海口勒今朝个扬州、镇江附近。到公元3世纪，长江入海口勒江阴一代。到之唐武德元年（618年），崇明岛开始形成，从搿许辰光河口畀分为南北两支。19世纪后期，长兴岛、横沙岛慢慢较露出水面，后来又形成之九段沙。
水道命名
编辑
长江口水道由各大岛屿分隔成几隻分支，从上游到下游依次是：
- 崇明岛以北叫“北支”，崇明岛以南叫“南支”；
- 南支水道来勒长兴岛一分为二，北面叫“北港”、南面叫“南港”；
- 南港水道来勒九段沙再一分为二，北面叫“北槽”、南面叫“南槽”。
南支水道—南港水道—北槽水道一线是长江口个主要航道，水深约莫7米。[1]