震旦大学

震旦大学（法语：Université l'Aurore）是法国天主教会勒吴越上海创办个大学。

历史沿革

1903年2月27号，法国天主教会勒徐家汇天文台旧址创办震旦学院，由耶稣会奖学基金提供支持，马相伯为创始校长。震旦是印度对中国个旧称，英、法语校名分别是Aurora University搭Université l'Aurore。法国勒1880年就忖建立一所培养法－汉口译个翻译机构，乃末就想通过法国大使搭当时已经管理了聖依納爵公學个耶稣会办一所学堂。但是直到1898年总督李鸿章派遣马相伯回到欧洲，学堂再募集到实足个资金。马相伯希望能够办起一所达到西方大学水平个学堂。勒土山湾个法国传教士搭聖依納爵公學为伊勒老徐家汇天文台提供仔一间房间，1903年2月27号学堂就开学哉，一开始衹有24名学生，耶稣会个P. François Perrin任副校长，另外还有两个学院教父协助。

1904年，因弗满法国教会对大学个干涉，马相伯率众中国教员辞职，別办復旦公學。

1908年，震旦大学迁卢家湾吕班路（今重庆南路），占地一百零三畝。

1914年改为六年制，分设博物医学、法政文学、算术工程3科，就是后首来医、法、理工3隻学院。讲授侪用法语。学生来源多为徐汇公学（现徐汇中学）及各地天主教会办个学堂毕业生。

1915年起院长需由罗马耶稣会总部任命。

1932年改稱震旦大學，聖伯多祿教堂落成。

1937年美国圣心会勒蒲石路（今长乐路）创设震旦女子文理学院（现向明中学），名义浪属震旦大学，实际財政、行政、教学完全独立，教学语言为英语。

1947年增设文学院。

1951年2月1日开始，传教士退出学堂，天主教会停止拨付震旦大学经费。

1952年10月份高校院系调整，震旦大学撤销，医学院搭圣约翰大学医学院、同德医学院合於原址组建上海第二医学院。听剩个学院分别併入复旦大学、华东师范大学、上海交通大学、同济大学、南京师范学院、华东化工学院、华东政法学院、上海财经学院等学堂。现为重庆南路227号搭280号上海交通大学医学院校舍。

勒臺灣个上海震旦大學校友後首来勒臺北市杭州南路成立震旦校友會，並興建「震旦中心」大樓，乃朝為耶穌會管理。

历任校长

1. 姚缵唐（Henry 1915-1923）
2. 帅理蔼（Seellier 1923-1927）
3. 桑黻翰（Lefelvre 1927-1931）
4. 才尔孟（Germain 1931-1946）
5. 茅若虚（Dumas 1946-1952）

著名校友

• 何振梁 国际奥委会委员
• 蔣丙然 知名氣象學家
• 王振義 內科血液學專家
• 潘承诰 巴黎大学物理博士，指导老师为居里夫人
• 劉吶鷗 臺灣日治時期小說家
• 朱大成 放射学家