马陆镇

马陆镇，勒拉上海市嘉定区，东面是宝山区，西面是嘉定区安亭镇，南面贴隔壁是南翔镇，北面是嘉定镇街道、徐行镇。

马陆当地生产葡萄，中华人民共和国农业部畀伊全国葡萄之乡个称号。

历史

宋末，左丞相陆秀夫个儿子、马军司陆南大从盐城逃难到箇埭住下来。附近形成村子以後，就叫村子“马陆”。明清时期，马陆形成集市。

2002年，原马陆镇喫脱戬浜镇，成立新个马陆镇。

2011年8月份，嘉定区人民政府决定建立上海市嘉定新城工作委员会，组建上海市嘉定新城管理委员会，采取“区镇合一”个模式，拿马陆镇喫进嘉定新城里向，挂“嘉定新城（马陆镇）”个牌子；马陆镇党委、镇人民代表大会、镇人民政府机构继续保留。

经济

1993年7月，马陆当地成立企业园区上海希望城。

行政区划

马陆镇下头有箇些居委会搭仔村委会：育兰社区居委会、天马社区居委会、马陆新村居委会、戬浜社区居委会、育苑社区居委会、樊家社区居委会、包桥社区居委会、沥苑社区居委会、彭赵社区居委会、仓新社区居委会、嘉新社区居委会、马陆村村委会、樊家村村委会、彭赵村村委会、陆家村村委会、众芳村村委会、石冈村村委会、包桥村村委会、李家村村委会、陈村村委会、北管村村委会、仓场村村委会、新联村村委会、立新村村委会、大裕村村委会、大宏村村委会、戬浜村村委会。