高棉帝国，又叫吴哥王朝，伊勒到东南亚中南半岛个古国，领土范围主要是乃歇个柬埔寨，全盛时期加仔乃歇个泰国搭仔老挝。
大约莫匝公元400年，高棉人起个叫真腊个国家，可以算是高棉帝国个前身。7世纪里向，阇耶跋摩一世统治个辰光势力直到乃歇个泰国东北搭老挝，加上高棉人由信印度教改信仔佛教。后头真腊拨爪哇人短暂统治仔一段辰光。
802年，阇耶跋摩二世复国，定都吴哥王城，伊用好几百只战象征服仔四周个地方1010年至1150年苏利耶跋摩一世搭苏利耶跋摩二世统治个辰光，帝国交关结棍。
13世纪开始，高棉拨安南搭暹罗攻打，高棉人惟有放弃仔吴哥，迁都去金边勒浪，吴哥王城居淹沒勒茫茫个森林里向哉。
