维基百科

黄现璠

黄现璠（壮语：Vangz Yenfanh；1899年11月13号—1982年1月18号），原名甘锦英，壮族人，中国现代出名个民族学家搭历史学家，后人认为伊是“壮族历史之父”、“八桂学派个创始人”、中国现代民族学个一位奠基人[1][2][3]。勒1957年反右运动里向，伊畀中共打成仔壮族顶顶大个右派。勿壳张俚一脚活到1979年畀中共平反哉[4]。

黄现璠

伊一辈子50年光景，钻研历史学搭民族学，研究范围包括中国通史、先秦史、中古史、社会史、生活史、文化史、民族学、语言学搭壮学。伊写个大部头书《唐代社会概略》，叫学术界看做20世纪第一本认真研究唐代社会个书。伊写个《宋代太学生救国运动》，也算是中国学生运动史里头第一本书。伊还写仔《广西壮族简史》搭《壮族通史》，来勒学术界是壮族历史文化研究个开山头作。别样，伊写仔《中国历史上无奴隶社会》，是20世纪里头第一个跳出来质疑奴隶社会观念个学者。伊还写仔《试论中国生活学的建构》，为箇门新学科打牢仔基础。伊提出个开创性理论，譬如“广西壮族土著起源”搭“侬智高反宋个正义性”，乃朝侪是后头学者个基石，畀世人广泛接受认可。

生平

编辑

早年

编辑

黄现璠原名叫甘锦英，17岁个辰光改个名。伊生勒乃朝广西扶绥县一隻世代种田个壮族人屋里，来勒家乡以勇敢出名。伊阿公甘怀忠是'打虎英雄'，搭延陵王吴凌云拜把子做兄弟。做王府侍卫长个辰光，伊好几趟勒要命个辰光救脱太子。黄现璠个叔父甘新勇勒当地蛮有名气，有一趟拿抗法将领冯子材救回来，打后两个人也换帖做兄弟了。伊阿爸甘新昌，人老实，老好星囡儿用功读书。黄现璠3岁个辰光，娘亲过世哉，伊搭阿爸靠斫柴过日脚。细伢子辰光，伊老欢喜读书，必过屋里穷读弗起书，箇末伊总归偷偷去听私塾老先生上课，借人个书来读，翻来覆去翻得唻书页侪磨脱皮，一直琢磨到明白为止。私塾先生看到伊个好学劲，就准伊进课堂。一入堂，黄现璠越发欢喜读书，夜里向用游火读书。[5][6]

民国15年（1926年），伊考试考进北京师范大学，读北师大预科。伊发现伊老欢喜史籍，以教育为业，立志振兴民族文化，一世人朆改变。两年以後，伊进仔北师大史学门，勒援庵、文如、一山、希圣几位老先生门下学习。因为家境贫寒，为仔补贴学费去寻点事体做，伊跟一山先生勒文政院教文史。[7]

民国21年（1932年），黄现璠勒北师大获得学士文凭。伊写仔两篇《元史》论文，又搭学生道里一道编成三卷个《中国通史纲目》。学业有成，学校推荐伊去研究院继续深造，勒钱玄同先生伊面学习，笔耕弗辍，写出交关成果。出仔5本书，其中有2卷本个《高中外国史》、1本翻译个《元代农民生活》搭1册《唐代社会概略》。[8]

黄现璠研究中国历史个辰光，空落落顺便翻翻西洋各色书籍，想从里向获得好点子来补补自家学问浪个欠缺。箇辰光，倭寇觑准要占中原，伊心里向老弗安心。伊写文章畀国人提醒，拿去推荐畀学术刊物去登载。黄现璠搞学问一向是弗管啥人，朆求顶尖，有啥讲啥，迭个习惯大概就是从箇个辰光开始养成。必过，也正是勒箇辰光，伊个亲爷过世嘞，伊伤心欲绝。[9]

民国24年（1935年）冬天，黄现璠9年寒窗总算结束，离开北平师范大学，想去外国看看外国历史法律到底是啥样子，可惜身浪呒没铜钿，去弗成。後些来听说日本个西洋学问也蛮发达个，只好过海，进仔日本头一号学堂东京帝国大学(乃朝个东京大学)读书。[10]伊日日夜夜啃老古书，拿着广西省政府拨个公款资助。箇个辰光，黄现璠写好《元代被压迫阶级的汉南人》咾啥五篇学术文章，还写好一本书《宋代太学生救国运动》。空个辰光，伊还会寻鼎堂先生一道讲讲华夏老底子个历史，互相七搭八搭，学问进步蛮多[11][12]

工作

编辑

民国26年（1937年），日本军队来勒卢沟桥搞事体，闹出来七七事变。黄现璠一听到箇隻消息，啥也弗想就急急忙忙赶转来中国，勒广西大学、中山大学、桂林好几隻大学里向教书。伊教过好几门功课，有中国通史、先秦史、断代史，还有文史学、文献学啥个。[13]

抗日战争个辰光，伊搭欧阳予倩几家头一道编《国防周报》，特地开仔隻“华夏抗夷史”专栏。拿文章当武器用，拿老早个历史做面镜子，讲清爽乃朝个事体，要畀大家加把劲。[14][15]除开关心国家大事，伊治学个重点也放到社会生活史浪。伊拿《说文解字》吃得透透个，再广读各样解说，每个号头写一篇文章，特意考证中外古今个礼节仪式、饮食习惯、穿着打扮、民间风俗是哪能来个，咋个变个，写得唻清清爽爽，讲得唻明明白白。

民国30年（1941年），广西大学换仔校长，后首来捉脱一批进步学生。黄现璠同伊拉交情弗浅，帮迭批遭难个学生脱困，鼓动学生搞抗议，惹出穷祸，连伊勒广西大学附属学校教书个娘子刘丽华也畀牵连，只好辞职。後些来，伊接受罗香林先生个邀请，到中山大学去做历史教授。民国31年（1942年）回到广西大学，继续教书。[16]

内战个辰光，黄现璠一心一意扑勒少数民族社会历史个实地调查研究丄，伊有空就带仔学生钻到边疆去打听当地人个风俗习惯，搜集老底子个资料。黄现璠勒幺二角落里向同少数民族同吃同住，睏觉连隻铺盖物事也没，前前后后算起来实足一年。伊亲眼望见苗族、壮族生活交关困苦，还要畀人欺负看弗起，写仔文章批判当局，畀国民党看成是“左派分子”，差一点就畀人家捉去关到牢房里向，好几趟登上黑名单。[17]

中华人民共和国成立以後，伊先后畀任命做仔桂西僮族自治区人民政府委员、广西省人民委员会委员等职务。[18]作为广西文化教育界唯一个代表，伊当选仔第一届中国人民对外文化协会（后首来改名叫中国人民对外友好协会）理事、第一届全国人大代表、全国人大民族委员会委员、中央对外文化联络委员会委员等等要紧个职务，参与国家层面个民族事体搭对外文化交流。伊作为人民代表，到仔广西各埠乡下实地调查老百姓个生活状况，特地关心少数民族地区个风俗习惯同生活情况，侪详细记录成册，来勒老百姓生活、教育、少数民族语言文化保护丄提出建议。[19][20]

纪念

编辑
  • 桂林中学勒1998年11月13号设立「黄现璠奖学金」，每年勒伊生日當天颁发。[21]
  • 1999年11月份，广西师范大学特地为咾伊办诞辰一百周年纪念座谈会，设立「黄现璠优秀少数民族学生奖学金」搭「黄现璠教授见义勇为基金」。座谈会以後，大家拿会上各位代表讲个言话搭仔黄老生前朋友写个纪念文章收集起来，编印成《黄现璠教授诞辰百年纪念文集》；又出版仔学术文章选集《古书解读初探——黄现璠学术文章选》，表彰伊个学术成就。[22]
  • 广西师范大学勒2003年11月13号设立「黄现璠出版基金」。
  • 2017年8月21号，黄现璠故居成为扶绥县文物保护单位。[23]
  • 广西南宁市南湖公园勒2018年造仔一条名人纪念路，路面上刻有黄现璠个简介。
  • 2022年9月10号，碰巧教师节搭中秋节，扶绥县文化体育局勒伊故乡搞仔黄现璠先生铜像揭幕仪式。[24]
  • 2023年11月份，广西师范大学开仔纪念黄现璠教授124周年诞辰，勒雁山校区综合教学楼前头立仔一尊铜像。[25]

著作

编辑

参见

编辑

参考

编辑
  • 日本外务省资讯部 (编)：《现代中华民国・满洲国人名鉴》第177页，日本东亚同文会业务部出版，1937年10月25日。日本国立国会图书馆
  • 日本外交部亚洲局监修、霞山会 (编)：《现代中国人名辞典》，日本财团法人霞山会出版，1957、1962、1966、1972、1982、1986年版，第189、208、327、325、318、588页。日本国立国会图书馆)
  • 李克、周晓孟、沉智编：《国人必知嗰2300嗰中国名人》第209页，万卷出版公司，2009年11月。ISBN 7547003540, 9787547003541。ISBN 7547003540, 9787547003541谷歌图书
  • 中国人名大词典编辑委员会 (编)：《中国人名大词典》(当代人物卷)》第1861页，上海辞书出版社，1992年12月。 ISBN 7532602079, 9787532602070 谷歌图书
  • 中华当代文化名人大辞典编委会 (编)：《中华当代文化名人大辞典》第519页，中国广播电视出版社，1992年1月。ISBN 7-5043-1513-3。ISBN 7504315133, 9787504315137谷歌图书

注解

编辑
  1. ↑ 中国现代民族学奠基人黄现璠(浙江万里学院社会科学研究者联合会)
  2. ↑ 国际知名民族学家黄现璠（民族网）
  3. ↑ 中华典藏网
  4. ↑ 试论壮族著名史学家黄现璠对20世纪中国“新史学”实践与建设个贡献
  5. ↑ 《黄现璠简介》，登勒《桂林文化大事记》第988页，漓江出版社，1987年。
  6. ↑ Wu Guo, "Collaboration and Resistance of Minority Elite: Huang Xianfan's Struggle," in Narrating Southern Chinese Minority Nationalities: Politics, Disciplines, and Public History, pp. 140-141, 2019.
  7. ↑ 杨静写个：《黄现璠史学研究》，湖南师范大学，2013年硕士论文
  8. ↑ 彭永光 《黄现璠的学术生活与轶事》，登勒《广西大学回忆录》，第 97-132 页。桂林：漓江出版社，2011 年
  9. ↑ 韩杰：《黄现璠社会生活史研究特点探微》，登勒《新经济》2020年第6期第92-96页。
  10. ↑ 国际知名民族学家黄现璠（民族网）
  11. ↑ 《近现代历史名人》，登勒《最桂林》第23页,北京人民邮电出版社，2012年
  12. ↑ 陈倩：《黄现璠历史教育思想探析》，华东师范大学历史系，登勒《历史教学问题》2015年第5期：109-127.
  13. ↑ 《黄现璠——桂海学术泰斗》，登勒金星华主编；乔继堂，崔占华著个《共和国少数民族文化学者传》51页，贵阳：贵州民族出版社出个，2013年
  14. ↑ 黄现璠：《汉族对外抗战史》，登勒《国防周报》，1942年第4卷第7、9期
  15. ↑ 黄现璠：《五胡乱华北方民众个抗战》，《国防周报》，1942年第5卷第2、4、5期
  16. ↑ 邓炳荧写个：《毋用扬鞭自奋蹄》，登勒《师范群英光耀中华》第14卷里向，陜西人民教育出版社出版个，1994年7月，第26页。
  17. ↑ 《黄现璠传记》，登勒《传记文学》（台湾）,1998年第72卷第1期。
  18. ↑ Huang Xianfan: Pioneer of Modern Chinese Ethnic Minority Fieldwork 黄现璠：奠定中国现代少数民族田野调查先驱地位（凤凰新闻网）
  19. ↑ 黄现璠自传， 收勒《黄现璠教授百年诞辰纪念文集》，广西师范大学编印，1999年11月，第1-2页。
  20. ↑ 潘荣才：《黄现璠同伊个壮族通史》，登勒《广西文史》2000年第1期
  21. ↑ 桂林生活网
  22. ↑ 广西师范大学设仔黄现璠纪念奖学金。南宁：《广西日报》，1999年11月26号。
  23. ↑ 《扶绥县人民政府文件》，扶政发[2017]9号，2017年8月21号盖章。
  24. ↑ 黄现璠铜像落成揭幕仪式在中国·乐养城举行
  25. ↑ 独秀学人——校史人物铜像集群

外头链接

编辑
取自“https://wuu.wikipedia.org/w/index.php?title=黄现璠&oldid=327924”