黄道婆

黄道婆（?—?），又叫黄婆、黄母。宋末元初松江府乌泥泾人。伊是中国古代个女性棉纺织家、技术改革家。

伊本来是养新妇，逃到海南岛崖州学习纺织本領。后世来伊回到老家，搭当地妇女一道发展纺织技术，做出出名个乌泥泾被頭。松江地段个纺织业就箇能介发展起来哉。

黄道婆勒垃正规歷史书丄呒没啥记录，只勒垃笔记、地方志、碑铭搭仔民间逸話裏向有得搭界个内容，多数像是抄得來个，差大勿多，细节丄有交關掽勿拢个地方，可能是老底子地方为咾发展经济纔弄出来个。