User:弗朗西斯-迭戈/草稿/威廉·加罗

威廉·加罗爵士（英语：Sir William Garrow，1760年4月13号 — 1840年9月24号），是一个英国律师、政治家搭法官。渠间接个重造了辩护系统，箇使得渠交关出名。阿拉今朝大多数个英美法系国家仍旧拉用个对抗制系统，也是拉渠个帮衬下底畀推动起来个。渠引进著“无罪推定原则”个话法。渠坚持，拉法庭高头，被告人个原告同渠拉个证据，板定要畀交关仔细个检验。

威廉·加罗生拉一个讴蒙根·哈德利个户荡，渠拉爹是个牧师。后来到密德赛克斯里向一个村堂里，加罗拉渠拉爹个学堂里向读书。之后，拉齐普塞，加罗跟牢一个讴托马斯·修特浩斯个律师学习，最后同一个讴克朗普顿个特别辩护人一道接受做律师个训练。加罗是一个要好个学生子，渠有木牢牢卯数拉老贝利街（英国个中央刑事法院）个法庭里向观察案件。克朗普顿看渠介个用功，就推荐渠去做初级律师或者律师。1778年11月，加罗加入林肯律师学院，并拉1783年11月27号畀同意做大律师。老快个，渠成为著罪犯辩护法律顾问。1793年2月，英国政府讴渠做国王个法律顾问，让渠对叛国罪搭重罪提起诉讼。