Wikipedia:查封

查封（block，貤叫封禁），是管理员用来阻止用户编辑维基百科个一种技术措施，只好来勒阻止维基百科受到拆烂污或扰乱个辰光用。

管理员来勒执行查封前应该先了解情况，解释伊执行个查封。查封应该具有威慑作用，，阻止当前持续个拆烂污行为，生怕维基百科再畀拆烂污，再犯个说话会得加长查封个辰光。鼓励封脱个用户通过社群认同是建设性个编辑方式贡献维基百科。用户也好对查封措施做出申诉，管理员也好来勒扰乱风险消灭脱个情况下头提早解除脱查封。

查封帮禁制弗一样：禁制是剥夺用户来勒维基百科编辑或访问权利个正式措施，而弗是来勒技术丄移除脱访问权限。

常见个查封原因

下头列出部分顶常见个查封原因：

• 發佈针对其他用户个人身攻击；
• 泄漏个人信息，弗论信息啊是正确个；
• 持续侵犯版权；
• 持续来勒人物条目里向加进去呒办法用可靠来源佐证、明显好晓得是假个，或者已经公开证实是弗实个内容；
• 故意拆烂污；
• 孛相维基规则；
• 为阐述观点而扰乱；
• 打编辑战；
• 濫用多個帳號。

参见

• 封脱个用户
• 封禁日志