三层楼

三层楼，又叫四安里，勒拉闸北，叉袋角东岸，也就是勒拉现在静安区（原来闸北区）裕通路恒丰路四岔路口，原来是新式里弄建筑四安里个一部分。

箇座房子勒拉1930年代造个，有三层楼高。因为伊勒拉“八·一三”淞沪会战里向呒没畀日军炸脱，成为箇面顶顶高个楼，所以逐渐成为地名。后些来，箇面个高度畀蕃瓜弄超过。中华人民共和国建国以后，当地居委会也叫“三层楼”。2014年，四安里开始动迁,进行修缮改造。2015年，四安里改造工程完工。