闸北

闸北，老早也叫沪北，是上海个一个地方，垃壗吴淞江下游中段个北岸地区。原来指新闸至老闸一线以北地区， 包括原来个闸北区搭仔普陀区等部分地区，后首来跟着闸北区的成立及其辖境的扩张，泛指箇块地方。

名源

1672年，为仔阻挡黄浦江的潮水倒灌入吴淞江上游，就垃壗吴淞江上现在个福建路位置设置仔一座挡潮石闸桥。1735年，原闸桥坍脱以后，垃壗伊个上游方向，现在个大统路附近新建仔一座闸桥。原闸桥被称为老闸，新建闸桥则称为新闸。老闸至新闸一线的吴淞江以北地区，就得名为闸北。

地区发展

上海开埠前头，闸北地区以虬江为界。虬江以南因为水路交织，临近吴淞江，并且有闸桥通往上海县城，所以逐渐形成仔市集，而虬江以北则多为农田搭仔自然村。1850年代起，随仔租界个建立搭仔太平天国运动，大批外地移民涌入上海。其中一眼贫民因为负担不了租界内个居住成本，所以选择临近租界个闸北地区落户，最初有得梅园头村搭仔唐家弄等数个居民点。此外，由于当时沪上个客货多仰赖上游苏州箇眼地方通过吴淞江送过来，闸北个沿河地区逐渐成为农产品个集散地，市面逐渐繁荣。同时境内有乡村道路一直通往宝山县内的江湾、真如等市镇。

1864年起，租界当局开始垃壗苏州河上兴建桥梁，随后又兴办铁路等，扩张形势明显。为仔抵御租界个大规模扩张，当时粤籍商人陈绍昌、浙商祝承桂联合地方士绅，呈请两江总督允许拿闸北地区开为商埠。垃壗得到核准以后，士绅组成闸北工程总局，负责境内个市政建设。加之沪宁铁路搭淞沪铁路个建设、长途公路个建造，闸北迅速形成沪上重要个交通枢纽，吸引大批官商前来投资。至1920年代，闸北地区已经形成上海个重要工业基地搭文化重镇。

但到1930年代，由于一二八和淞沪会战两次战争，闸北成为战场，几乎沦为一片废墟，逐渐成为难民聚集区，并成为上海著名个贫民窟。自1980年起，随仔大规模城市改造个开始，闸北地区拆除了大批危房，以上海站为中心重建仔商业区，并垃壗科教方面着重投入，基本实现了该地区的商贸文教等个复兴。