上海西站
铁路上海西站，初名真如站或真如火车站，是沪宁城际铁路个一个车站。勒拉上海普陀区真如镇街道，勒上海站以西约5公里处。车站由上海铁路局管理，是上海西站综合交通枢纽个重要部分。
上海西站衹办理本站当日车次个售票业务，弗办理改签、退票、挂失补票业务。[1]
历史 编辑
清光绪三十三年（1907年），真如站搭沪宁铁路同时开始营运，当时辰光真如站衹不过是沪宁线浪一座衹有两条站线个小站。1946年改称真如站[2]。
1949年中华人民共和国成立后，随仔国民经济个发展，真如站规模弗断扩大。1953年起，真如站先后铺设了九条专用线搭三条新站线。1957年后，箇搭又相继建成太平桥货场搭石泉路货场，帮上海东站一淘成为上海铁路枢纽个主要货运站。
自1980年起，原为货运站个真如站开始增办春节临客到发，陆续担当自上海北站移来个9对客车到发，以减轻老北站个负荷。1982年1月份真如站不铁道部核定为一等站。1986年1月，上海市统一规划，勒上海新客站建成前，上海北站超负荷个客流由扩建后个真如站分流，使之成为客运辅助站。1989年1月，真如站正式改名为上海西站，原上海西站改名为长宁站。由于上海西站个位置齐巧勒拉沪杭铁路外環線（1986年建成）搭沪宁线个交点，当时辰光大部分来往沪杭线搭沪宁线之间个旅客列车侪要经由上海西站折返（调头）才好南下北上。
2006年7月1号，上海南站正式启用，上海站搭上海西站往沪杭线方向个客流量交关多畀分流到南站，而且上海西站日益残破，乃末上海西站同时停止办理客运业务，原来所有客运列车分别转至上海南站搭上海站到发[3]。但仍保留为铁路职工个通勤车乘降、货运及行包业务。
过去上海西站设备较为简陋，候车室也弗设空调。但上海西站作为上海城市规划真如城市副中心上海西站综合交通枢纽个一部分，以及新建沪宁城际高速铁路其中一个站点，车站也相应进行重大改造。2009年1月8号，投資40億人民币个铁路上海西站交通樞紐工程开始动工。上海西站综合交通枢纽工程是上海市个重大工程项目，项目主要包括：地下南北通道搭相关工程、上海西站改扩建相关工程、周边配套道路广场建设工程、公交枢纽建设工程等四部分。工程总建筑面积8.4万平方米，其中地下7.4万平方米，地上1万平方米[4][5]。根据规划搭交通部门个预测，上海西站综合交通枢纽建成后，年客流集散量将达1600万人次。
2010年6月25号，上海西站交通枢纽部分启用，上海西站正式再次运营。工程完成后，上海西站成为集合滬寧城際鐵路、城市軌道交通搭城市公交於一體个现代化交通枢纽，成为网络化、功能性、枢纽型个城市综合交通体系中个重要环节，将使真如城市副中心成为目前上海唯一具备A类综合交通枢纽个城市副中心[6]。
2010年7月1号，改造后个上海西站随沪宁城际铁路同步投入运营。目前每天有得12趟高速动车组列车停靠上海西站。
站线布置 编辑
交通 编辑
轨道交通 编辑
号线搭仔建造当中个
号线上海西站站- 远期规划当中，20号线会途径上海西站
公交线路 编辑
- 01 南泉新村 - 桃浦公路
- 106 上海站 - 清涧新村
- 117 上海站 - 桃浦五村
- 129 北区汽车站 - 定边路
- 319 提篮桥 - 上海西站（夜宵线）
- 742 谈家渡路 - 柳园路
- 768 莲花公寓 - 共和路
- 551 一二八纪念路 - 北新泾
- 807 虹桥机场 - 真光新村
- 944 灵石路北宝兴路 - 茅臺路古北路
参考文献 编辑
- ↑ 铁路上海站 2012 年 5 月 10 日微博
- ↑ 最快下月起停办客运业务 上海西站“功成身退”. 原始文档勒2018-09-29存档. 访问日脚2016-10-09.
- ↑ 百岁上海西站进入“退休”倒计时. 原始文档勒2006-10-14存档. 访问日脚2016-10-09.
- ↑ 投資40億人民幣个鐵路上海西站交通樞紐工程開工建設
- ↑ 百年老西站要“變身”交通樞紐 三條軌交實現站內換乘. 原始文档勒2018-09-29存档. 访问日脚2016-10-09.
- ↑ 上海西站交通枢纽今启用 将与轨交实现立体"零换乘". 东方网 (2010-06-25). 原始文档勒2020-11-09存档. 访问日脚2010-09-28.