保卫上海闲话

保卫上海闲话（上海闲话：pau^上 we^去 zaon^去 he^上 ghe^平 gho^去），是因为2000年代以来，由于过激“推广普通闲话”导致上海小囡个上海闲话水平下降，甚至出现完全讲弗来个情况，上海各界像是沪剧演员马莉莉帮上海滑稽戏团副团长钱程等要求保护传承上海话个声音越来越高，从政府到民间侪有通过蛮多种形式个方式传承、抢救上海话，让上海掀起了“保卫上海闲话”个热潮。

背景

开埠辰光

随着上海开埠以来，外地人口大量涌入。现在辰光阿拉讲个上海闲话（像搿段闲话里向个“阿拉”就是）已经拨其他老多闲话（主要是苏州闲话帮宁波闲话）影响勒海，当然也有交关多普通闲话词汇进入。但整体浪来讲，上海还是一只吴语城市。

廿一世纪前后

随着推广闲话个政策，越来越多个小囡囡勒学堂里向拨强制讲普通闲话，伊拉讲个上海闲话懒音结棍严重，还有人是一眼也弗来三。

近三十年来，由于普通话个推广帮对普通闲话个依赖，上海闲话个造词能力严重衰退，只出现了一种语式“弗要忒……”，以及“淘浆糊”等屈指可数个几个新词。新派上海闲话里向，尖团音拨简化，也有出现鼻音脱落个现象。

《新民晚报》某文觉着“勒浦东讲上海闲话是呒没文化个表现”，遭到上海本地人个批评。影响最大个是2009年年底个“团团门”事体，对搿事件个处理结果也让部分上海市民开始怀疑相关部门特别注重来勒上海推广普通话个动机。

方法

从小囡抓起

2013年开始，根据有关市政协委员个提案，勒浦东、黄浦、徐汇、静安、长宁、普陀、闸北、虹口、杨浦、闵行等10只中心城区个24所幼儿园试点上海话教育体验活动，各试点幼儿园教师勒“游戏”“生活”帮“运动”三个板块里向拿上海闲话帮儿童交流，指导儿童学唱上海闲话童谣，开展上海话儿童游戏。

2016年，上海市闲话文字工作者协会勒总结试点幼儿园个工作经验基础浪，出版了《幼儿园上海话教育体验活动方案选编》。