维基百科

上海轨道交通1号线

（从上海軌道交通1號線转戳到箇里）

上海轨道交通1号线是上海第一条地铁线路，也是上海轨道交通顶顶闹猛、繁忙、重要個线路之一，勒拉1993年5月28日开始试运营。乃末一号线从南边爿闵行区莘庄站到北边爿宝山区富锦路站总共长36.39公里，28只车站。英文名Shanghai Metro Line 1。标识颜色是红颜色。

线路数据

编辑

换趁站

编辑

车站列表

编辑
 

历史

编辑
  • 1990年1月19号，1号线一期经国务院同意正式开工建设。按照“分段建设、分段通车”个原则，一期工程畀划分成南、中、北三段。
  • 1993年1月10号，南段（新龙华站—徐家汇站）上行线造好。
  • 1993年5月28号，南段（徐家汇站—锦江乐园站）开始观光试运行，同时开始规划延伸到莘庄站。
  • 1994年12月10号，南延伸段一期（莘庄站—锦江乐园站）开始施工。
  • 1995年4月10号，中段搭仔北段线路（衡山路站—上海火车站站）开通试运营。[1]
  • 1996年12月28号，南延伸段一期（莘庄站—锦江乐园站）造好，通车运营。
  • 1997年1月1号，南延伸段一期工程收尾，来上锦江乐园站—莘庄站搭仔上海火车站站—锦江乐园站两段里向，好分段通车运营。
  • 1997年7月1号，莘庄站到上海火车站站侪好通车运营。
  • 2000年8月10号，1号线搭仔2号线好一票换趁。
  • 2004年12月28号，北延伸段（上海火车站站—共富新村站）通车运营。
  • 2005年12月25号，上海地铁里向所有线路终于侪好做到一票换趁。
  • 2007年7月4号，1号线头一部从6节编组改成8节编组个列车上线调试运营。
  • 2007年12月29号，北北延伸段（共富新村站—富锦路站）通车运营。[2]
  • 2021年6月20日，黄陂南路站个名字畀改脱，变成功一大会址·黄陂南路站。

事故

编辑

重大事故

编辑
  • 2004年3月24号夜到头，勒拉还呒没开通个1号线北延伸段通河新村站北面个折返线浪，122号列车从侧面撞拉102号列车高头，导致102号列车当中编号为92113个C车（不带受电弓个动车）受损报废[3]。
    • 事故原因：弗清爽，还呒没公布。
  • 2009年12月22号，1号线上海火车站站发生仔上海轨道交通有史以来第二严重个事故。5点50分，陕西南路到人民广场区间发生仔供电接触网故障，箇一段停运，1号线临时拆成莘庄—徐家汇、上海火车站—富锦路区间分开跑[4]。就勒拉7点多钟，电跳脱箇桩事体快解决脱个辰光，从中山北路站开往上海火车站站个150号车，勒拉开到上海火车站站折返处个辰光，搭正勒拉折返个117号车个侧面撞拉一道。还好碰巧伊個辰光两部车子个速度侪比较慢，而且150号车司机连忙紧急制动，畀撞个117号车是空车，所以150号车上个乘客呒没人受伤。箇個事故导致正勒拉恢复正常个1号线运营秩序畀打乱脱，9点钟左右，调整成莘庄—徐家汇、汶水路—富锦路区间分开跑，别个区间采用公交车接驳个方式。直到11点48分左右，1号线运营纔逐渐恢复[5][6]。结果，夜到头20点40分左右，陕西南路站个变电间失火，导致衡山路到上海火车站箇一段区间又停运[7]。伊天正好是冬至，还是工作日脚，事故造成上海市区大部分地区地面交通瘫痪。
    • 事故原因：
      • 第一趟供电故障：隧道顶上个碳纤维脱落，导致短路[8]。
      • 撞车事故：N11-1438轨道区间隔编码电路配线出仔问题，本来应该向150号列车发送20km/h个速度码，实际浪发送仔65km/h个速度码，导致刹车距离弗够，导致撞车[9][10]。
      • 第二趟供电故障：因为外头供电网浪个波动，变压器坏脱。[8]

其他事故

编辑
  • 2007年7月15号下半天3点34分，一男倌勒拉1号线上海体育馆站往莘庄方向个站台上车个辰光，畀夹拉屏蔽门搭列车当中，后些来列车动仔，箇男倌落拉隧道里向当场死脱[11]。
  • 2018年4月23号早上向7点15分，一女倌勒拉1号线宝安公路站往莘庄方向个站台想穿过正勒拉关个屏蔽门搭车门强行上车，结果伊畀困拉车门搭屏蔽门当中，后些来列车动仔。好消息是，箇個女个畀安全救出来仔，呒没受伤[12]。

未来个规划

编辑

2018年12月11号，上海市城市轨道交通第三期建设规划（2018～2023年）畀国家发展改革委批复，确认1号线要从莘庄站望西南方向再造过去1個站到沪闵路站，新增线路长1.2公里，投资铜钿35.75亿元，项目工期有得4年[13]。但是，因为线路边上向个动拆迁量忒大，朆有条件实施[14]。

参考文献

编辑
  1. ↑ 上海通志 第二十六卷城市建设 第三章公共交通 第五节 地下铁道.
  2. ↑ 上海市志 上海市志·交通运输分志·城市公共交通卷（1978-2010） 大事记.
  3. ↑ 进口A型地铁车辆在南车打上中国烙印. 访问日脚2017-12-24.
  4. ↑ 历史列车运行情况. 东方早报 (2009-12-23). 原始文档勒2009-12-22存档. 访问日脚2009-12-29.
  5. ↑ 市政府在事故当天成立轨道交通1号线事故调查小组 (zh). 上海地铁 (2009-12-22). 原始文档勒2018-10-03存档. 访问日脚2009-12-23.
  6. ↑ 上海地铁发生列车侧面碰撞事故. 中国新闻网 (2009-12-22). 访问日脚2009-12-22.
  7. ↑ 申通承认对故障时间判断有误 上海市领导要求速查原因. 东方早报 (2009-12-23). 原始文档勒2009-12-24存档. 访问日脚2009-12-23.
  8. ↑ 8.0 8.1 一号线昨三事故瘫六小时. 解放日报 (2009-12-23). 原始文档勒2009-12-28存档. 访问日脚2009-12-25.
  9. ↑ 沪1号线列车擦碰事故:系信号错误造成制动不足引发. 东方网 (2010-01-22). 原始文档勒2016-03-05存档. 访问日脚2010-01-23.
  10. ↑ 上海地铁9年前设计疏漏酿成列车相撞事故. 腾讯网 (2010-01-23). 访问日脚2010-01-23.
  11. ↑ 上海地铁屏蔽门夹死男乘客 家属索赔118万元_上海新闻_新闻_腾讯网. 访问日脚2018-06-21.
  12. ↑ 上海地铁回应女子被夹事件：站台瞭望和监护作业存在不到位.
  13. ↑ 国家发展改革委关于上海市城市轨道交通第三期建设规划（2018～2023年）的批复. 国家发展改革委. 访问日脚2018-12-20.
  14. ↑ 地铁1号线西延伸对接机场联络线. 访问日脚2022-01-03.
 
维基共享资源里向寻得着搭该篇文章搭界个多媒体资源：


取自“https://wuu.wikipedia.org/w/index.php?title=上海轨道交通1号线&oldid=309101”