上海南站站

上海南站站垃拉上海市徐汇区漕河泾街道沪闵路桂林路，铁路上海南站边边头，由上海铁路局勘测设计院设计，是上海地铁1号线、3号线搭15号线个地铁换乘站，也是3号线个南起迄站。

1号线站台

3号线站台

15号线站厅

地铁上海南站搭铁路上海南站处拉一个结构之中。3号线站台搭站厅垃拉铁路车站个南侧，1号线站台搭站厅设拉铁路车站个北侧。按照原规划，1号线搭3号线个换乘联络通道是15号线个预留车站，後些来放弃脱哉，现在15号线个车站来勒柳州路东面沪闵路南面隻角丄。

车站结构

车站楼层

地铁上海南站设勒铁路上海南站个地面层、地下一层、二层搭三层。3号线站台来勒地面，贴隔壁是铁路上海南站个站台，但當中有铁丝网隔开来；1号线、3号线搭15号线个站厅侪来勒地下一层，當中1号线搭3号线站厅来勒铁路站房两侧，由地下通道连起来，15号线站厅则来勒柳州路下头，通过地下通道跟1号线站厅连起来。1号线站台设勒地下二层，15号线站台则来勒地下三层。

地面层
	出入口	1-2、8、10出入口
		█ 3号线终点站 下车站台
	岛式站台 · 开左边车门
		█ 3号线 往江杨北路方向（石龙路）
地下一层
	3号线站厅	3出入口、票务服务、自动售票机、人工服务台
	1号线站厅	4-6出入口、票务服务、自动售票机、人工服务台
	15号线站厅	9出入口、票务服务、自动售票机、人工服务台
地下二层
		█ 1号线 往莘庄方向（锦江乐园）
	岛式站台 · 开左边车门
		█ 1号线 往富锦路方向（漕宝路）
地下三层
		█15号线 往顾村公园方向（桂林公园）
	岛式站台 · 开左边车门
		█15号线 往紫竹高新区方向（华东理工大学）

历史

安装全高屏蔽门前个1号线地下岛式站台（2005年）

安装半高屏蔽门前个3号线岛式站台（2006年）

翻新前个1号线3号线换乘通道（2006年）。

• 刚开通个辰光，1号线上海南站站叫“新龙华站”，来勒沪闵路桂林路东面，是地面侧式站台，付费区里向两隻方向互弗连通。因为设计个辰光明确伊是临时车站，故咾伊个站台弗像1号线其它车站伊能介预留8节编组长度，只有6节编组长度。2001年，因为老个上海南站启用，改名叫“上海南站站”。
• 2004年1月1号，为咾配合新上海南站搭仔上海南站换乘站个建设，3号线上海南站站封站改造，3号线运营区段缩短到江湾镇-石龙路。
• 为咾配合新上海南站搭仔上海南站换乘站建设，1号线上海南站改成地下段，新个上海南站上海火车站站方向搭仔莘庄方向站台分别来勒2004年10月30号搭仔12月4号投入运营。本来个地铁上海南站站旧个地面站台拆脱哉。
• 2005年10月15号，3号线上海南站站恢复运营。
• 2014年起，3号线站台开始安装半高屏蔽门。同时3号线站厅来勒1月份进行改造，增加售票窗口、扩大售票区域，改善车站售票区域搭重要通道之间个拥堵状况。
• 2018年12月份，为咾提高闸机进出速度，上海南站站3号线站厅启动闸机改造工程，拿所有个闸机侪调成拍打门式闸机，2019年春运前完成。
• 2019年1月份起，为咾配合15号线施工，1号线上海南站站个6号口临时封闭。6号口搭仔周边商铺进行土建改造，成为未来换乘大厅个一部分。
• 2021年1月23号，15号线开通，本站成为3线换乘车站。6号口重新开放，並新增8号口、10号口两隻出入口。
• 2024年4月4号开始，本站来勒3、4号口设立免二次安检通道，国铁车站出站个乘客从3、4号口进地铁站弗需要经过二次安检。
• 2024年6月13号，9号口启用。

参见

• 铁路上海南站
• 上海长途客运南站

外部链接

维基共享资源里向寻得着搭该篇文章搭界个多媒体资源：

上海南站站

• 上海地铁—1号线上海南站站车站信息 档案，存勒互联网档案馆当中。（2018年6月17号）
• 上海地铁—3号线上海南站站车站信息^{[链接坏脱]}
• 上海地铁—15号线上海南站站车站信息^{[链接坏脱]}