两个中国

两个中国是一种近现代描述两岸关系个政治用语，特指中华人民共和国搭仔中华民国，政治现实浪作为两只政治实体。

中华人民共和国搭中华民国个政治版图

中华人民共和国	中華民國
图中所列个是双方实际管辖地区，均弗包含双方主张但呒控制个领土。 图中标记的岛屿采用突出显示，𪥸当作实际大小。

•  中华人民共和国，勒1949年10月1号建立，是中国共产党来勒国共内战高头击败当时辰光中国个代表政权（中华民国政府）后头，勒中国大陆（弗包括港澳）建成个社会主义人民民主共和国。政体是人民代表大会制度。国体是人民民主专政。勒1949年-1971年间呒不获国际社会广泛承认伊是代表中国个唯一合法政府，但勒1971年取代哉中华民国加入联合国后勒国际交流场合高头常拨叫做“中国”。目前实际有效管辖中国大陆帮西沙群岛帮南沙群岛部分岛屿；并先后勒1997年及1999年从英国搭葡萄牙手头里向拿回香港搭澳门个主权，设立了2只实行“一国两制”个特别行政区。外家，中华人民共和国勒特定场合又称为“中国大陆”或“北京当局”（勒中华人民共和国治下个大陆地区与中华民国治下个臺湾地区相提并论个辰光，中国大陆一般包括香港和澳门）。

• 中華民國，勒1912年1月1号建立个，是中国同盟会领导下推翻大清帝国所建立个三民主义个民主共和国。政体是自由民主制。国体为共和立宪制。建政初期由北洋政府执政；国民革命军北伐后则以中国国民党治下个国民政府（后是中华民国政府）为代表。实际统治中国大陆地区到1950年；并勒1945年第二趟世界大战结束后从大日本帝国接收臺湾及其附属岛屿。后因为国共内战失利咾，中华民国政府勒1949年底逃去臺湾，形成两岸分治对立个格局。1971年前拨国际广泛承认，认为伊是中国个唯一合法政权。当前辰光实际控制臺湾及其附属岛屿、澎湖、金门、马祖、乌坵、东沙群岛搭南沙群岛个一眼岛屿；实际控制省份是臺湾省帮福建省（金马地区）。勒国际交流场合浪向常拨通称为“臺湾”，国际组织搭伊个机构称之为“中华臺北”或者“臺澎金马个别关税领域”。

政权名字	中华人民共和国	中华民国
建政搭改动	1949年10月1日（政权建立） 1982年12月4日（现行宪法制定） 2018年3月11日（现行宪法最后修正）	1912年1月1日（政权建立） 1927年4月18日（南京国民政府建立） 1948年5月20日（现行宪法制定） 2005年6月10日（宪法增修条文最后修正）
中心思想	中国特色社会主义	三民主义、自由民主制
政治体制	社会主义共和制、民主集中制、一党制、 单一制（但有特别行政区）	民主共和制、半总统制、两党制、单一制
最高领导人	中国共产党中央委员会总书记	总统
国家元首	国家主席
中央政府	国务院	行政院
政府首脑	国务院总理	行政院院长
国会	全国人民代表大会	立法院
执政党	中国共产党	民主进步党
军队	中国人民解放军	中华民国国军
军事统帅	中国共产党中央军事委员会主席	总统
国旗搭国徽	中华人民共和国国旗 中华人民共和国国徽	中华民国国旗 中华民国国徽
首都	北京市	臺北市
货币	人民币、港币搭澳门元	新臺币
疆域		中华民国政府2002年已确认伊个疆域朆包含外蒙古， 且公告行政区域仅包含实际统治领土