吴越春秋
《吴越春秋》，东汉赵晔编撰，是一部记述春秋个辰光吴、越两国史事为主个史学著作。《吴越春秋》畀《隋书·经籍志》搭《唐书·经籍志》引用，侪讲是赵晔编撰，十二卷。但不过今本只有十卷。
作者
编辑赵晔（？—约83年），字长君，会稽山阴（今浙江绍兴）人，东汉史学家、文学家。 赵晔年纪轻个辰光做过县吏，奉檄迎督邮，后来以俚个职位为耻，所以辞官别而去。后来，俚到犍为资中（今四川资阳），从经师杜抚学《韩诗》，用尽力气来研究搿本书，过之廿年才转来，州吏召俚来做从事，俚弗肯去，专心著述，最后死勒窝里。俚写个《韩诗谱》、《诗细历神渊》、《诗道微》等侪寻弗着哉，今朝只剩下来《吴越春秋》一种。
书目介绍
编辑东汉赵晔编撰《吴越春秋》，原来有十二卷，隋以后缺脱仔两卷，《宋史·艺文志》记为十卷。《吴越春秋》是主要记录春秋末期，吴越两国（包括一部分楚国）个事体个杂史。前五篇为吴事，起于吴太伯，迄于夫差；后五篇为越事，记越国自无余到勾践，注重吴越争霸个史实。
搿本书钞撮古史，编年记事，来补充《国语》、《左传》、《史记》不足之处，像吴兵破楚人郢之役、孙武为吴军之将等记载比较详细。但不过俚个史料价值倒弗及《越绝书》，有种传闻异说弗能保存俚个原貌，甚至于拿以后人个想象加勒春秋末年吴、越个历史当中。像记录伍子胥个言论，有“胡马望北风而立，越燕向日而熙”搿种春秋个辰光弗可能有个语言；又有越军伐吴，伍子胥显相以阻越兵，后来又托梦畀范蠡搭文种，告诉俚哚进军个路线之类个谬说。所以，有学者认为搿本书弗像汉朝个文本，更加像小说家个言论。俚个内容确实介于历史搭小说之间，人物个刻划，故事情节个描写，比较像后来个演义体，因而对后世个文学有一定影响。唐代俗讲中个《伍子胥变文》，宋元话本中个《吴越春秋连像评话》，明清以后个弗少剧目，侪是以搿本书为依据改编个。
就算搿浪，后人还是肯定俚个史料价值。清人朱彝尊指出《越绝书》个缺点外，也认为：“若胥之忠，蠡之智，种之谋，包胥之论策，孙武之论兵，越女之论剑，陈音之论弩，勾践臣吴之别辞，伐吴之戒语，五大夫（计倪、扶同、向垣、苦城、曳庸）之自效，世亦何可少哉？”（《经义考·拟经》）
目录
编辑卷第一 吴太伯传第一
卷第二 吴王寿梦传第二
卷第三 王僚使公子光传第三
卷第四 阖闾内传第四
卷第五 夫差内传第五
卷第六 越王无余外传第六
卷第七 勾践入臣外传第七
卷第八 勾践归国外传第八
卷第九 勾践阴谋外传第九
卷第十 勾践伐吴外传第十
