哈德良堡
哈德良堡（拉丁文：Adrianople，希腊文：Αδριανούπολη），1928年代后改名爱迪尔内（土耳其文：Edirne），是欧洲东南面巴尔干半岛东端个重要城市。迭个城市老早是罗马帝国个皇帝哈德良修造个。到拜占庭帝国辰光，成为屏障君士坦丁堡个重要城市搭拜占庭军事重镇。14世纪，此地畀奥斯曼土耳其人攻陷，拿城中个东正教徒侪奴役杀脱，并定位奥斯曼帝国个都城。之后，尽管首都迁徙到君士坦丁堡，弗过还是作为奥斯曼帝国个重要城市，修造大量回庙、古兰经学院之类个回回建筑物。20世纪初，此地畀保加利亚搭希腊先后收复过，弗过，1920年代之后，重新划到土耳其境内。乃朝，此地也是土耳其立在欧洲部分个第二大城市，有人口17万。
