徐家匯藏書樓

徐家匯藏書樓（上海閑話：Zī-kā-wè Zāon-syū-lēu，拉丁語：Bibliotheca Zi-ka-wei），又稱天主敎藏書樓、匯堂石室，是一座勒拉上海徐家匯个歷史建築，乃朝已撥列爲第二批上海市優秀歷史建築。其爲天主敎耶穌會勒上海開辦个一所圖書館，創建勒1847年。目前共藏書56萬餘冊，其中包括2,000多冊1800年以前出版个珍貴西文古籍。

徐家匯藏書樓現址，圖中四層建築爲神父樓，是原徐家匯耶穌會總院

歷史

現存个徐家匯藏書樓包括兩幢建築：「南樓」又稱「神父樓」始建於1867年，是原徐家匯耶穌會總院个一幢樓，爲4層西式建築；與之相連个另一幢2層西式建築則是當時个藏書樓，現稱「藏經樓」，也稱「北樓」。1897年建成保留至今个迭座2層藏書樓，建築面積2000多平方米。箇是上海現代圖書館个雛形，1949年以前，箇𡍲是上海眾多个圖書館當中，以其豐富个中外藏書、設備搭建築佔有突出地位。樓下是中文書庫，仿清代收藏四庫全書个文瀾閣；二樓是西文書庫，仿梵蒂岡藏書樓个風格。1955年以前，箇𡍲爲神學院專用。1956年，藏書樓撥政府徵用，成爲上海圖書館个一個部分，專門收藏1949年以前出版个外文書籍，其中包括前亞洲文會圖書館、尚賢堂藏書、海光西方思想圖書館、上海租界工部局公共圖書館以及西僑青年會等處个藏書搭滬上各所大學院校圖書館轉調此處个外文書。

近況

藏書樓長期以來弗對外開放，讀者需憑單位介紹信才好進入查閱資料；因幾十年來管理維護弗善，曾出現地下室進水、地基下陷等嚴重建築問題，1990年代徐家匯地區建設地鐵站，市政府曾考慮拆脫迭幢樓，後經巴金等知名知識份子聯名呼籲才得以保留，並進行大力修繕。乃朝藏書樓作爲徐家匯源景區个一部分對所有公眾開放，可勒拉禮拜一到禮拜六个早浪9點到11點搭下半日个14點到16點半進行參觀，參觀範圍爲建築外觀搭1樓門廳。

交通

• 上海地鐵徐家匯站（上海軌道交通1號線、9號線、11號線）

外部連結

维基共享资源里向寻得着搭该篇文章搭界个多媒体资源：

徐家匯藏書樓

• 上海市地志辦公室關於徐家匯藏書樓个介紹 档案，存勒互联网档案馆当中。（2016年3月4号）
• 徐家匯藏書樓開館時間 - 上海圖書館
• 徐家匯源景區網站上徐家匯藏書樓介紹
• （英语） King, Gail. (1997). "The Xujiahui (Zikawei) Library of Shanghai." Libraries & Culture, 32(4), (Fall, 1997), pp. 456-469, University of Texas Press. 在JSTOR

參見

• 徐家匯聖依納爵主敎座堂
• 土山灣