德黑蘭會議

德黑蘭會議（英语：Tehran Conference，代號：Eureka）是由羅斯福、邱吉爾、史太林從1943年11月28號到12月1號舉行個戰略會議，勒垃伊朗首都德黑蘭個蘇聯大使館。該趟會議是頭一個由同盟國「三巨頭」（美國、英國、蘇聯）領導人開個第二次世界大戰會議，接牢1943年11月22號到26號開個開羅會議，外加比1945年個雅爾塔會議搭波茨坦會議早。雖然三個人各動各個腦筋，但必過還是勒會議浪達成仔朝對納粹德國發動第二波攻擊個共識。該趟會議也討論仔同盟國與土耳其搭伊朗個關係、勒南斯拉夫個軍事行動、對抗大日本帝國等等。除脫簽仔關於對德作戰搭戰後事項個宣言搭協定，三巨頭還簽仔承認伊朗獨立個宣言。