雅爾塔會議

雅爾塔會議（英语：Yalta Conference；俄語：ялтинская конференция），也叫克里米亞會議，是美國、英國搭蘇聯三國領導人——美國總統富蘭克林·德拉諾·羅斯福、英國首相溫斯頓·邱吉爾搭蘇聯人民委員會主席史太林勒1945年2月4號到2月11號個辰光，勒蘇聯克里米亞雅爾塔里瓦幾亞宫裏向開個一趟关键性首腦會議。該趟會議，制定仔戰後世界新秩序搭列強利益分配方針，形成仔「雅爾塔體系」，對第二次世界大戰過後個世界局勢有交關深個影響。

雅爾塔會議個三巨頭：邱吉爾、羅斯福搭史太林

該趟會議是勒1943年德黑蘭會議過後，第二趟同盟國首腦會議，俚個結論勒1945年7到8月個波茨坦會議就有爭議。交關多個人批评該趟會議，讓蘇聯搭各國共產黨好控制中歐、東歐搭亞洲交關國家，主要是會當中羅斯福搭邱吉爾儕朆尊重打仗辰光畀佔領國家個巴望，拿畀蘇聯「解放」個國家先交畀联合国代管。還有，為仔爭取蘇聯朝日本宣戰，會當中有點內容侵犯中國權益窮大。會之前其他國家弗曉得，所以也有「雅爾塔密約」個講法。