拙政园

拙政园拉浪苏州娄门内东北街，占地52000个平方，是江南古典园林个代表。属于中国著名古典私家花园，建于明朝正德四年（西元1509年），是明朝弘治进士、御史王献臣弃官回到屋里向造个。搭苏州别个几隻庭园一淘列拉“世界文化遗产”名录里向，是苏州园林里向现存顶大个一隻，分成功东、中、西、住宅四个部分。其中，

苏州拙政园

东部明快开朗，主要是平冈远山、松林草坪、竹坞曲水咾啥；

中部是拙政园精华所在，池水面积占到三分之一――以水为主，池广树茂，景色自然。临水布置形体弗一、高低错落个建筑，主次分明；

西部主体建筑是靠近住宅一面个卅六鸳鸯馆，水池呈曲尺形，俚个特点是台馆分峙、回廊起伏；水波倒影，别有情趣。装饰交关华丽精美；

住宅是典型个苏州民居。