政治正確(英语:political correctness;缩写:PC[1]),是指使用一些用詞及施行部分政治措施,避免冒犯及歧視社會上弱勢群體,譬如弗能冒犯少数族群、女性、弗同性取向、宗教信仰政治異見人士,及殘疾人士。少數族群包括以國籍種族、宗教劃分个族群,與本國主流族群相比。[2]「政治正確」弗限於「用詞正確」,也包括觀點、立場、政策搭行爲个「正確性」,弗能違背畀認定爲「正確」个立場。「政治正確」也畀應用於非針對特定人群个範疇,譬如氣候變化[3]動物權益[4]

事質丄,其執行結果卻一直富有爭議。在一些美國自由意志主義者、保守主義者及弗少評論員个觀點當中,政治正確一詞本身“政治弗正確”,屬貶義詞,交假道學个意義相類[5][6],且會威脅社會个言論自由,對社會價值觀構成威脅,而相關「政治弗正確」言論是否構成歧視存在爭議。支持者則認爲,傾向採用較中立語言、文明用語來包裝政治正確个語句,本質丄並嘸沒冒犯任何人,並批評部分反對者以「反對政治正確」爲理由,藉此煽動仇恨及分化社會。

释义 编辑

尊重某些弱势群体,为了避免真實存在个或对伊拉弗公正个歧視而採用个變換另一種稱呼个行爲。政治正確个一個目的是用頂頂「中立」个字眼,防止歧視或侵害任何人。譬如爲了避免出於種族性別性取向、身心障礙、宗教政治觀點个弗同而產生个歧視或弗滿。

支持者認爲,政治正確有助於喚醒公眾个無意識个偏見,使得伊拉可以有一個更加正式个、無偏見个語言可以稱謂與大眾弗同个人群,而避免「傷害」伊拉。

反對者认为,政治正确衹不過垃拉逃避问题,弗能真正、有效地解决问题。

根據科學研究,愛德華·薩丕爾本傑明·李·沃爾夫(Benjamin Lee Whorf)最早提出語言影響思維,因此通常用來描述人群个語言是有影響力个。雖然昰個論斷仍然交關有爭議,但是政治正確是基於昰隻理論个。譬如政治正確認爲,使用具有性別歧視个詞語會促進性別歧視个思想。

用法及影響 编辑

一般語境下个政治正確个目的有得兩重意義:更改由大多數人或社會全部成員認爲是具有歧視性个語言,以平等地對待畀稱呼个群體。一個交關顯著个例子就是,美國1960年代開始使用「非裔美國人」(African American)來代替以前个「黑人」(black)、「黑鬼」(Negro)个稱謂。但是昰種稱謂取決於弗同个辰光、地點搭人群。譬如美國个白人搭非裔美國人个後裔儕常莊使用「黑人」昰個詞,而「黑鬼」嚜畀認爲是種族主義个。但是在年輕个非裔美國人與非裔美國人之間,仍然會使用「黑鬼」昰個稱謂,來表示親暱,然而如果昰個稱謂畀外人使用,則會畀認爲是基於種族歧視。

政治正確亦儕用來包含最多弗同階層个人。一隻例子是有些西方國家用「節日快樂」(Happy Holidays)或「季節祝福」(Season's Greetings)來代替「聖誕快樂」(Merry Christmas)來祝福弗信奉基督教或弗慶祝西方節日个人。

英國出版商要求作者避免垃作品裏向提及豬肉或與豬肉有關个東西(譬如香腸),以免冒犯猶太教徒穆斯林,不過有猶太人團體表示雖然猶太教禁止喫豬肉,但嘸沒禁止提及豬或豬肉,身爲穆斯林个英國國會議員Khalid Mahmood也認爲在文學作品中禁止豬肉相關內容个做法是荒謬个。[7][8]另有意見認爲出版社對豬肉个避忌是出於懼怕激進穆斯林而實行自我審查,譬如印度教徒視爲神聖,弗喫牛肉,出版社在印度个子公司卻嘸沒要求作者避免提及牛肉以免冒犯印度教徒。[9]英國有商場在聖誕節辰光禁止基督教組織頌唱聖誕歌,也禁止聖誕老人派送禮物,以免可能冒犯非基督教徒。[10]2006年在英國一個對2,300位僱主个調查顯示有74%受訪僱主因爲擔心會畀指冒犯非基督教徒而禁止在辦公室佈置聖誕裝飾,雖然實施禁令个僱主對此弗大情願,但是爲了避免招致訴訟而弗得弗尋求自保。[11]英國教育畀指受政治正確影響,[12]有學生因爲在上宗教課个辰光拒絕進行伊斯蘭教形式个禱告而遭受校方懲處;[13]也有交關學堂爲仔避免冒犯穆斯林搭猶太教徒學生而弗向非穆斯林搭非猶太教徒學生提供有豬肉个午餐[14]

加拿大,一些人爲避免作出「政治弗正確」个言行,弗敢公開慶祝聖誕節,也有政府部門明令禁止在辦公室掛上聖誕裝飾。[15]

在美國,紐約市个教育部門列出來一份弗適宜在小學測驗中出現个字詞清單,包括「生日」,以免引起弗慶祝生日个耶和華見證人學生弗快,「恐龍」則可能引起支持創造論家庭个學生弗快,「有泳池个屋」也弗應提及,以免引起屋裏嘸沒泳池个人弗快。該清單畀批評爲政治正確作祟。[16]

「政治弗正確」个後果 编辑

在西方,公眾人物發表在種族(包括以國籍或宗教劃分个族群)、性別、性傾向或殘疾議題上「政治弗正確」个言論,除脫有可能畀批評爲歧視外,也有可能導致失去工作[17][18]甚至招來民事或刑事訴訟。

在中国大陆,发表批评穆斯林个言论或揭露弗公现象个文章会畀警察请喫茶,删帖处理。

批評 编辑

有觀點認爲,主張“政治正確”者“立垃一隻特定个政治立場上,擁有道德个光環”。一些人可能是機會主義者,做出政治正確个行爲是爲“贏得個人个道德優越感”使然。[19]

有看法指出,政治正確个“基本原則”是“擔迫害者搭被害者个道德位置顛倒過來”,但其實弗然,因爲政治正確爲求个是減少社會對非主流群體个偏見。

澳大利亞,有部分基督教人士批評「政治正確」在實行个辰光出現雙重標準,特別是限制基督徒表達意見个自由,使基督徒成爲政治正確雙重標準下个受害者。[20]

2009年,英國一名6歲女童因爲在學堂裏向稱一名11歲黑人女生个面孔像巧克力而畀舉報,畀投訴者个家長畀告知該「種族主義事件」已畀記錄在案。畀投訴者个父親批評,校方對一名孩子个童言童語反應過度,「政治正確」已步向瘋狂。校方則表示事件未畀記錄於電腦資料庫裏向。[21]

2015年11月,法國巴黎發生連環恐怖襲擊後,一些右派人士认为西方国家多年来奉行个多元文化价值观搭政治正確纵容了伊斯兰极端主义个泛滥。[22]

2015年跨年夜德國數個城市發生大規模性侵事件後,由於犯案者大多是北非裔搭阿拉伯裔難民,德國各級政府及媒體爲仔「支持收容外國難民」个政治正確而隱暪事件,在案情曝光後招致各界強烈批評,有評論認爲「德國人爲確保『政治正確』付出慘痛代價」,認爲「政治正確」是「造成德國今天難民危機个根本原因」,「弗惜代價个追求『政治正確』垃拉帶畀德國、歐洲製造混亂甚至悲劇」。[23]

2016年7月,法國尼斯發生恐怖襲擊後,波蘭內政部長布拉查克認爲事件是歐盟多年來推行多元文化主義政策搭政治正確造成个後果,伊表示「昰種做法應該就此結束」。[24]

2016年11月9日,美國共和黨唐纳德·川普擊敗民主黨希拉蕊·柯林頓,贏得總統大選,其中个一個重要个竞选策略,就是對民主党「政治正確」个公開挑戰。 川普認爲「政治正確」是美國當前最大个問題之一。沈旭暉認爲川普之所以在共和黨黨內提名初選領先群雄,「反映美國社會對『政治正確』充滿反彈」,原因包括「政治正確」畀認爲已演變成「逆向歧視」,威脅言論自由[25]有評論認爲弗少美國人已對「政治正確」生厭,衹不過弗敢說出來,川普就像是《國王个新衣裳》中个小男孩,講出來眾人弗敢講个真相。

美國著名政治學家查爾斯·默里在2016年接受美國之音專訪个辰光表示「政治正確」產生个各種危害無法計量。默里認爲「政治正確」嚴重敗壞脫美國个大學系統,讓美國个大學嘸沒發揮思想公開交流个應有个功能。伊以「未婚母親產下兒童帶來个問題」爲例,雖然伊是存在於美國个一個嚴重問題,但是如果有人試圖公開談論昰隻問題,該人會畀稱爲種族主義者,因爲交關昰樣个問題出自非洲裔美國家庭。即使現在白人家庭也發生交關昰然个問題,但無論如何,提出昰種問題个人還是會畀稱爲種族主義分子,及畀冠上「指責生孩子个單親女性」、「妖魔化單親女性」个罪名。雖然解決問題需要了解問題以及背後个原因,但是人們弗能公開談論昰些問題个任何內容,或者講,交關人因爲害怕受指責而弗敢談論。默里批評「政治正確」扼殺脫人們對廣泛社會問題个嚴肅思考,辰光將會證明藝術與社會科學領域存在个交關「政治正確」意識形態立場其實是邪氣愚蠢个。[26]

参考文献 编辑

  1. 刘瑜(2009年6月).民主个细节:美国当代政治观察随笔.上海:上海三联书店,182.ISBN 9787542629586 
  2. 从“陌生人”到“世界公民”:跨文化传播学个演进搭前景. 人民網 (2006-11-13).
  3. 应对气候变化,科学弗确定性与诸多因素纠缠个较量. 科學網 (2010-02-04).
  4. New Vocabulary世說新語. www.cnanews.gov.tw. 原始文档勒2017-05-12存档. 访问日脚2017-05-30.
  5. Conservative critics of PC: Lind, Buchanan, Sobran. Liberals: Hentoff 1992, Schlesinger 1998. Other: Brandt 1992. See below for sources.
  6. Lind, Buchanan, Sobran, Hentoff, Schlesinger.
  7. "Oxford University Press bans sausages and pigs from children's books to avoid offending Jews and Muslims". Daily Mail Online. 2015-01-13. 
  8. "避踩宗教禁忌 牛津出版「豬」事皆禁". 自由時報電子報. 2015-01-15. 
  9. Pork Chops and PC. The Patriot Post (2015-01-19).
  10. 圣诞老人也要“下岗”?. BBC中文網 (2005-11-23).
  11. "No decorations, please, it might cause offence". The Telegraph. 2006-12-06. 
  12. How Political Correctness Is Transforming British Education. www.gatestoneinstitute.org (2012-07-16).
  13. "Schoolboys punished with detention for refusing to kneel down and pray to Allah". Daily Mail Online. 2008-07-04. 
  14. "Bangers ban in hundreds of schools". The Telegraph. 2012-06-17. 
  15. 加拿大人弗敢庆祝圣诞节. 新浪財經 (2013-12-27).
  16. "Don't mention dinosaurs: New York raises the bar for politically-correct exams". The Independent. 2012-03-29. 
  17. "諾獎得主辱黑人遭停職". 蘋果日報 (香港). 2007-10-22. Archived from the original on 2016-09-16. Retrieved 2017-05-30. 
  18. 何清涟:德国个戏剧:默克尔王座下个民意基础. 美國之音 (2016-09-25).
  19. 龍應台,銀色仙人掌,廣西師範大學出版社,頁203-204(注:所引用者爲其小說中人物个觀點)
  20. 澳大利亞「仇恨言論法」 限制基督徒傳講福音真理. 國度復興報(香港版)網站 (2005-05-13). 原始文档勒2016-03-04存档. 访问日脚2017-05-30.
  21. "Girl, 6, 'labelled racist' for 'chocolate on your face' comment". The Telegraph. 2009-11-06. 
  22. "焦点对话:巴黎血腥恐袭,西方开放理念畀挑战?". 美國之音. 2015-11-20. 
  23. "科隆性侵案:追求“政治正确”使德国政府陷入困局". 国际在线. 2016-01-13. 
  24. 尼斯恐攻 波蘭內長:多元文化主義个後果Rti 中央廣播電臺,2016-07-15
  25. 沈旭暉 (2016-03-14). 政治正確之死. 信報網站.
  26. 政治学家莫瑞谈美国(6):政治正确与学术自由. 美國之音 (2017-03-07).

延伸阅读 编辑

赞同意见 编辑

  • Aufderheide, Patricia. (ed.). 1992. Beyond P.C.: Toward a Politics of Understanding. Saint Paul, Minnesota: Graywolf Press.
  • Berman, Paul. (ed.). 1992. Debating P.C.: The Controversy Over Political Correctness on College Campuses. New York, New York: Dell Publishing.
  • Gottfried, Paul E., After Liberalism: Mass Democracy in the Managerial State, 1999. ISBN 978-0-691-05983-9
  • Jay, Martin., The Dialectical Imagination: A History of the Frankfurt School and the Institute of Social Research, 1923-1950, University of California Press, New Ed edition (March 5, 1996). ISBN 978-0-520-20423-2
  • Switzer, Jacqueline Vaughn. Disabled Rights: American Disability Policy and the Fight for Equality. Washington DC: Georgetown University Press, 2003.

反对意见 编辑

中立观点 编辑

  • Debra L. Schultz. 1993. To Reclaim a Legacy of Diversity: Analyzing the "Political Correctness" Debates in Higher Education. New York: National Council for Research on Women.
  • Wilson, John. 1995. The Myth of Political Correctness: The Conservative Attack on High Education. Durham, North Carolina: Duke University Press.

別樣 编辑