维基百科

欧洲联盟

欧洲联盟（英语：European Union，缩写：EU），简称欧盟，是欧洲多国共同建立个政治搭经济联盟，现拥有27个成员国，正式官方语言有24种。欧盟是通过1993年签订个《马斯特里赫特条约》后，垃拉欧洲共同体个基础上，建立个政治联盟。箇当中，使用顶多个是英文、法文搭德文。当今欧盟个运作，参考《里斯本条约》。政治浪也经常作为一个整体行动。欧盟拿成员国个边界废脱，弗设防，并执行单一货币，造成欧元危机搭欧洲难民危机，并引发英国独立党、法国国民阵线等团体脱离欧盟个需求。2020年1月31号，英国脱离欧盟。

欧洲旗

欧元乃朝是19个成员国个官方货币，迭些国家一道构成欧元区，并且还准备继续扩张欧元个使用范围。弗过欧元并弗稳定。2008年之后，因为欧元个问题，造成欧洲经济长期萧条，邪气是希腊等地中海国家，爆发著主权债务危机。

历史

编辑

1952年，西欧个法国、比利时、荷兰、卢森堡、联邦德国搭意大利成立欧洲钢铁联盟，运作比较成功。1958年，又立在迭个基础上，成立欧洲原子能共同体搭欧洲经济共同体。1967年，成立欧洲共同体。1993年冷战结束之后，拿欧洲共同体改组，形成乃朝个欧洲联盟。立在迭个过程当中，欧盟个成员国也弗断增加，先后有8趟扩充。从老早6个国家个经济协定，发展成有国旗、国歌、总统、货币个类似国家机构。

组织结构

编辑
 
欧洲中央银行

欧盟个组织搭一个国家是邪气相似个，比起联合国，权力要大多哉。乃朝欧盟能够干涉大部分欧洲国家个内政，控制伊拉个经济政策搭外交政策。

成员国

编辑

乃朝，欧盟有27个成员国。1950年六个创建国是：

21个成员国勒后头一系列扩大浪潮中加入：

注：1990年，欧盟个领土由於东德搭仔西德统一而扩大。

除落上头个27国以外，  摩纳哥、  安道尔等欧洲小国也搭欧盟签訂仔特殊个协议。

欧盟一部分成员国个海外领地，如格陵兰等，弗是欧盟个组成部分。

  挪威来勒1972年搭1994年两次勒国内进行加入欧盟个全民投票，侪呒通过，因此至今弗曾加入欧盟。但挪威个“欧洲经济区协定”（EEA）让挪威享受欧盟成员国企业搭国民个同等待遇。

外部链接

编辑
 
维基共享资源里向寻得着搭该篇文章搭界个多媒体资源：
取自“https://wuu.wikipedia.org/w/index.php?title=欧洲联盟&oldid=304996”